2 SAMUEL 6:14 - Lai (Hakha) Common Language Bible 2006

¹⁴ Cun David cu Bawipa hmaiah a thazang dihlak in a lam; David cu la hmang ṭhia tlangbawi angki aa hruk.

2 SAMUEL 6:14 ပူးပေါင်းရင်းမြစ်များ

2 SAMUEL 6:15

Cucaah David le Israel innchungkhar vialte nih aupah le muko tumpah in Bawipa kuang cu an hunpi.

2 SAMUEL 6:20

Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.

1 CHANRELNAK 15:27

David cu lahmangṭhia angki fual in aa thuam, kuang a zawntu Levi mi vialte hna le hlasatu hna le hlasatu hna i an hla a hruaitu Khenaniah zong kha cu bantuk cun an i thuam ve; cun David cu laa in tahmi tlangbawi angki aa hruk.

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

SALM 150:4

Khuang le lam in thangṭhat u, tingtang le thonglawi in thangṭhat u!

SALM 30:11

Ka ngaihchiatnak cu lunglawmh lamnak ah na ka thlenpiak cang, ka mithi ngaihnak puan cu na ka lakpiak i lunglawmhnak puan kha na ka pek.

SALM 87:7

Hlasa mi pawl le milam mi pawl nih khan an dihlak in na thangṭhatnak hla kha an sak lai. Selah

EXODUS 15:20

Profetnu Miriam, Aaron far nih khan khuang aa lak i nu vialte nih khan a hnu in an zulh i khuang tum pah cun an laam.

EXODUS 15:21

Miriam nih cun hla a sakpi hna i, Bawipa nih lianhngannak in a tei caah Bawipa cu hla in thangṭhat u; rangtum hna le a cung i aa citmi hna kha rili chungah a paih hna,” a ti.

EXODUS 19:6

Nannih cu tlangbawi bantukin ka rian a ṭuanmi miphun nan si lai i keimah sin i pekchanhmi nan si lai,’ a ti, tiah chim hna. Cucu Israel mi cu na chimh hrimhrim hna lai,” a ti.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

EZEKIEL 46:10

Uktu bawi cu an sinah cun a um lai i an luh ah a lut ve lai i an chuah ah a chuak ve lai.

LUKA 15:25

“Cu lioah cun a fapa upa u kha lo ah a um. A hung tlun i inn a hun naih tikah khin hlasak thawng le lam thawng cu a theih.

DEUTERONOMI 6:5

Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.

KOLOSE 3:23

Zei thil nan tuah paoh ah, minung caah si loin Bawipa caah ka ṭuan ti lungput ngei in, nan lungthin dihlak in ṭuan u.

BIACEIHTU 11:34

Cun Jepthah cu Mizpah i a inn ah a tlung i zohhmanh, a fanu nih amah kha don awkah khuang tete le laam he a hung chuak; amah lawnglawng cu fa a ngei; amah hlei ah fapa siseh fanu siseh a ngei ti hna lo.

BIACEIHTU 21:21

Cun Shiloh khua ngaknu hna nih lamnak chung i i tel ve awkah an ra chuah tikah, mitsur dum chung cun ra chuak u law, Shiloh ngaknu hna cu pakhat nih pakhat cio nupi ah i tlaih hna u law, Benjamin ram ah kal tuah u.

1 SAMUEL 2:18

Asinain Samuel cu ngakchia si hmanh seh law Bawipa hmaiah la hmang ṭhia tlangbawi angki i aih in rian a ṭuan.

1 SAMUEL 2:28

Cun amah cu ka biakṭheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.

1 SAMUEL 22:18

Cu tikah siangpahrang nih Doeg kha, “Nangmah kha i mer law, tlangbawi kha that hna,” tiah a ti. Cun Edom mi Doeg cu aa mer i tlangbawi kha a thah hna; cun khi ni ah la hmang ṭhia tlangbawi angki aa hrukmi mi sawm riat le panga a thah hna.