2 SAMUEL 5:9 - Lai (Hakha) Common Language Bible 2006

⁹ Cun David cu ralhruang chungah khan a um i cucu David khua tiah min a sak. Cun David nih khua cu, Millo in a chunglei tiang khan a velchum in a kulh.

2 SAMUEL 5:9 ပူးပေါင်းရင်းမြစ်များ

2 SAMUEL 5:7

Sihmanhsehlaw David nih Zion ralhruang cu a lak ko ai, cucu David khua ti a si.

2 SAMUEL 5:8

Cun David nih khi ni ah khan, “Jebus mi thah a duhmi paoh cu, David lungthin nih a huatmi hna kebei le mitcaw kha hung thah hna awkah, ti kua khan hung kai hna seh,” tiah a ti. Cucaah cun, “Mitcaw le kebei hna cu inn chungah khan an lut lai lo,” tiah ti a si.

2 SAMUEL 6:10

Cucaah David nih Bawipa kuang cu David khua chung i luhpi awk kha a duh lo; asinain David nih Git mi Obededom inn lei tu ah khan a kalpi.

1 SIANGPAHRANG 11:27

Siangpahrang cung i a kut a hun leknak cu mahtihin a si: Solomon nih cun Millo kha a hun sak i a pa David khua a pemnak zawn kha a remh.

1 SIANGPAHRANG 2:10

Cun David cu a pupa hna sinah a it i David khua ah khan an vui.

1 SIANGPAHRANG 9:15

Cun Siangpahrang Solomon nih Bawipa inn le amah inn le Millo kha le Jerusalem kulhnak vampang le Hazor le Megiddo le Gezer

1 SIANGPAHRANG 9:24

Sihmanhsehlaw Faro fanu cu David khua khan Solomon nih a sakpiakmi amah inn ah khan a hung kal; cu hnuah Millo kha a sak.

2 SIANGPAHRANG 12:20

A sinum hna kha an tho i an rawi i Silla i vung kalnak lam i a ummi Millo inn ah khan Joash cu an thah.

2 SIANGPAHRANG 12:21

Amah kha a tu i a thattu hna cu a sinum Shimeath fapa Jozakar le Shomer fapa Jehozabad an si. David khua chungah a pupa hna sinah an vui i a fapa Amaziah cu amah hmun ah khan bawi a cang.

1 CHANRELNAK 11:8

Cun khua cu a velchum in, Millo thawk in a kulhnak tling tein a ser; cun Joab nih khua cu remh awk a tang rihmi kha a remh.

2 CHANRELNAK 32:5

Rianṭuan awkah khan lung fek tein aa tim i a cimmi vampang kha a remh i a cungah innsang a sak i a lengah vampang dang pakhat a ser ṭhan; cun David khua i Millo kha fek chin in a tuah. Cun hriamnam le phaw kha tampi a ser hna.

NEHEMIAH 3:15

Cun Kolhozeh fapa Shallum, Mizpah peng a uktu nih khan Cerhti Kutka kha a remh; amah nih cun a ser ṭhan i a khuh i a innkhar hna le a hrenhnak awng hna le a hrenhnak fung hna kha a bunh hna; cun amah nih cun siangpahrang dum chung i Shelah Tidilnak vampang cu David Khua i a vung kalmi lamhbak tiang khan a remh.

SALM 122:3

Jerusalem cu i rem ṭhipṭhep le i dawh cikcek in sakmi khua a si.

ISAIAH 29:1

Pathian biakṭheng, Jerusalem zong a rawk cang! David a rak riahnak khua kha a rawk cang. Kum khat kum hnih chung cu an puai le an puai kha i tong ko rih hna seh,

BIACEIHTU 9:20

sihmanhsehlaw cu bantukin a si lo ahcun, Abimelek chung hin mei chuak seh law, Shekhem le Beth-millo khuami kha kangh hna seh; cun Shekhem le Beth-millo khuami chung khan mei chuak ve seh law, Abimelek kha kangh ve seh,” tiah a ti.

BIACEIHTU 9:6

Cun Shekhem khuami vialte le Beth-millo khuami vialte cu an i pum i Abimelek cu Shekhem khua lungphun hram i kuhthing pawngah cun siangpahrang ah an ser.