2 SAMUEL 5:6 - Lai (Hakha) Common Language Bible 2006

⁶ Cun siangpahrang le a mi hna cu Jebus mi doh awkah Jerusalem ah an kal; cu hna cu cuka ram i a ummi an si i David kha, “Hika ah hin na lut lai lo, mitcaw le kebei hmanh nih an in kham khawh lai,” tiah a rak titu kha an si. Annih nih, David cu hika ah a lut kho lai lo, tiah an ruah.

2 SAMUEL 5:6 ပူးပေါင်းရင်းမြစ်များ

GENESIS 14:18

Cun Salem Siangpahrang Melkhizedek, Cung Nung Bik Pathian tlangbawi zong a simi nih khan Abram cu changreu le mitsur zu a rak phorh i

2 SAMUEL 22:30

Asi, nangmah thawngin ralkapbu bu khat ka tei khawh i Ka Pathian thawngin vampang kha ka per khawh.

PHUNGTHLÛKBIA 21:22

A fimmi ralbawi nih cun miṭhawng hna khuapi kha a lak khawh i An i bochanmi ralhruang kha a chimh khawh.

JEREMIAH 21:13

Jerusalem, nang cu nelrawn cung i lungpi a dirmi bantukin nelrawn cungah sangpi ah na ṭhu. Sihmanhsehlaw Bawipa keimah nih kan doh lai. Naa thawh i, ahohmanh nih an ka tu kho lai lo, ahohmanh nih ka ralhruang hi an bauh kho lai lo, na ti.

JEREMIAH 37:10

Khaldi mi ralkapbu nanmah an dotu hna cu an ningpi khin hei tei bia hna u law, hmapumi lawng kha anmah le an thlam cio ah khan hei tang hna seh law, cu hmanh ah cun an tho ṭhan lai i hi khua cu mei in an khangh ṭhiamṭhiam ko lai,’ a ti, na ti lai,” tiah a ti.

HEBRU 7:1

Melkhizedek cu Salem siangpahrang a rak si i Cung Nung Bik Pathian tlangbawi a rak si. Abraham cu siangpahrang hna a tei hnanak raltuknak hmun khan a hung kir tikah Melkhizedek nih cun a rak don i thluachuahnak a rak pek.

JOSHUA 10:3

Cucaah Jerusalem siangpahrang Adonizedek nih Hebron siangpahrang Hoham le Jarmuth siangpahrang Piram le Lakhish siangpahrang Jafia le Eglon siangpahrang Debir cu a cah hna i,

JOSHUA 15:63

Sihmanhsehlaw Jerusalem khuami Jebus mi hna cu Judah mi hna nih an dawi kho hna lo; cucaah nihin ni tiangin Jebus mi hna cu Judah mi hna he Jerusalem ah an um ko.

JOSHUA 18:28

Zela, Haelef, Jebus (cucu Jerusalem), Gibeah, le Kiriath-jearim — khua pa hleili an khuate hna he. Mah hihi Benjamin phun nih an innchungkhar ning cio ah an comi cu a si.

BIACEIHTU 1:21

Sihmanhsehlaw Benjamin mi nih Jerusalem i a ummi Jebus mi kha an dawi hna lo; cucaah nihin tiangin Jebus mi cu Benjamin mi hna he Jerusalem ah an um.

BIACEIHTU 1:8

Cun Judah mi nih Jerusalem cu an doh i an lak i vainam in an sam cikcek i khuapi cu mei in an khangh.