2 SAMUEL 5:3 - Lai (Hakha) Common Language Bible 2006

³ Cucaah Israel upa vialte cu siangpahrang sinah cun Hebron ah khan an ra i Siangpahrang David nih Bawipa hmaiah Hebron ah khan anmah he biakamnak a ser i annih nih David cu Israel mi cung i siangpahrang ah chiti an thuh.

2 SAMUEL 5:3 ပူးပေါင်းရင်းမြစ်များ

2 SAMUEL 2:4

Cun Judah mi kha an ra i khika ah David cu Judah hrin siangpahrang caah chiti an thuh. David kha, “Saul a vuitu cu Jabesh-gilead mi an si,” tiah an chimh tikah,

2 SAMUEL 2:7

Cucaah nan kut kha ṭhawng hna seh law nan ralṭha ko u; zeitintiah nan bawipa Saul cu a thi cang i Judah hrin hna nih annih cung i siangpahrang ah keimah cu chiti an ka thuh cang,” tiah a ti hna.

2 SAMUEL 3:21

Cun Abner nih David sinah, “Ka va kal lai i siangpahrang bawipa sinah khan, Israel mi vialte cu ka pumh hna lai. Nangmah he biakamnak an ser lai i na lung duhmi a rak si bang khan na uk hna lai,” tiah a ti. Cucaah David nih Abner cu a kalter i daihnak in a kal.

1 SIANGPAHRANG 1:34

cun tlangbawi Zadok le profet Nathan nih khan khika ah Israel mi vialte cung i siangpahrang ah chiti thuh hna seh; cun muko kha tum u law, ‘Solomon Siangpahrang cu saupi nung ko seh!’ ti in au u.

2 SIANGPAHRANG 11:17

Cun Jehoiada nih Bawipa le siangpahrang le mi zapi karlak ah cun, annih cu Bawipa mi an si nakhnga biakamnak a ser i siangpahrang le mizapi karlak zongah khan a ser fawn.

1 CHANRELNAK 11:1

Cun Israel phun vialte kha Hebron ah David sinah, hmunkhat ah an i pum i annih nih, “Zohhmanh, kannih cu na ruh le na sa kan si.

1 CHANRELNAK 11:3

Cucaah Israel mi upa vialte kha siangpahrang sinah cun Hebron ah khan an ra; cun David nih annih he cun Bawipa hmaiah Hebron ah khan biakamnak a ser i annih nih Samuel sinin Bawipa bia a rami ning khan, David cu Israel mi siangpahrang ah chiti an thuh.

1 CHANRELNAK 28:4

Asinain, Bawipa, Israel Pathian nih keimah cu ka pa innchungkhar vialte chung khan Israel cung i siangpahrang zungzal in si awkah a ka thim; zeitintiah Judah kha hruaitu ah a thim i Judah innchungkhar chungah ka pa innchungkhar kha a thim i ka pa fapa hna lakah keimah cu Israel mi vialte cung i siangpahrang ah ser awkah ka chungah lawmhnak a ngei.

2 CHANRELNAK 23:16

Cun Jehoiada nih amah le mizapi hna le siangpahrang karlak ah khan, annih cu Bawipa mi si awkah biakamnak a ser.

NEHEMIAH 9:38

Hi thil vialte hna ruangah hin a fekmi biakamnak kha caṭial in kan ser i kan bawi hna le kan Levi mi hna le kan tlangbawi hna nih an cakhenhnak in an khenh.

EXODUS 3:16

Va kal law Israel mi hruaitu pawl vialte kha va pum hna law, ‘Bawipa, nan pupa hna Pathian, Abraham Pathian, Isak Pathian, Jakob Pathian kha ka sinah a lang i, “Nan sinah ka ra i Izipt mi hna nih nan cungah zeidah an tuah ti kha ka hmuh cang;

JOSHUA 10:36

Cun Joshua cu Israel mi vialte he Eglon in Hebron ah an hung kal i an hung doh;

BIACEIHTU 11:11

Cucaah Jepthah cu Gilead upa hna sinah cun a kal i mizapi nih cun an lu le an hruitu ah an ser; cun Jepthah nih a bia vialte cu Bawipa hmaiah Mizpah ah a chim.

1 SAMUEL 11:15

Cucaah mi vialte cu Gilgal ah an kal i khika ah, Gilgal khua ah cun, Saul cu Bawipa hmaiah siangpahrang ah an ser. Khika ah Bawipa hmaiah daihnak thawinak kha an thawi i khika ah Israel mi vialte le Saul cu a tampi an i lawm.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.

1 SAMUEL 23:18

Cun an pahnih in Bawipa hmaiah biakamnak an ser; David cu Horesh ah khan a rung um i Jonathan cu inn ah a tlung.