2 SAMUEL 5:24 - Lai (Hakha) Common Language Bible 2006

²⁴ Cun balsam thing par hna i kal thawng na theih tikah, khi tikah na cawlcang ve lai, zeitintiah khi tikah khan, Bawipa cu na hmaiah Filistin mi ralkapbu kha tuk awkah a kal cang a si lai,” tiah a ti.

2 SAMUEL 5:24 ပူးပေါင်းရင်းမြစ်များ

2 SAMUEL 5:23

Cun David nih Bawipa kha a hal tikah, “Na hung kal hnga lo; an hnulei in na va hel hna lai i balsam thing zawn khan na nam hna lai.

2 SIANGPAHRANG 7:6

Zeitintiah Bawipa nih Siria ralkapbu hna cu rangleng thawng le rang thawng le ralkapbu nganpi thawng kha a theihter hna i cucaah pakhat le pakhat cu, “Zohhmanh, Israel siangpahrang nih kanmah doh awkah Hit mi siangpahrang hna le Izipt mi siangpahrang hna kha aa ruaih ko hna hi ta,” tiah an i ti.

1 CHANRELNAK 14:15

Cun balsam thing par hna i kal thawng na theih tikah, khi tikah raldohnak hmun ah cun va chuak tuah; Pathian cu na hmaiah, Filistin mi ralkapbu tuk awkah a kal cang,” tiah a ti.

BIACEIHTU 4:14

Cun Deborah nih Barak cu, “Tho tuah, zeitintiah nihin hi Bawipa nih Sisera cu na kut chungah an pek ni a si. Bawipa cu na hmaiah a kal a si lo mei?” tiah a ti. Cucaah Barak cu Tabor Tlang cun amah a zultu mi sang khat he cun an vung kal.

BIACEIHTU 7:15

Gideon nih mang le a sullam kong an i chimh cu a theih tikah Pathian kha a biak; cun Israel riahhmun ah khan a ra kir i, “Tho tuah u, zeitintiah Pathian nih Midian ralkapbu cu nan kut chungah an pek cang hna,” tiah a ti.