2 SAMUEL 5:19 - Lai (Hakha) Common Language Bible 2006

¹⁹ Cun David nih Bawipa kha a hal i, “Filistin mi hna doh awkah ka hung kal lai maw? Annih cu ka kut chungah na ka pe hna hnga maw?” tiah a ti. Cun Bawipa nih David cu, “Hung kal ko, zeitintiah Filistin mi cu na kut chungah kan pek hrimhrim hna lai,” tiah a ti.

2 SAMUEL 5:19 ပူးပေါင်းရင်းမြစ်များ

2 SAMUEL 2:1

Hi hnuah hin David nih Bawipa kha a hal i, “Judah ram chung khua pakhatkhat ah ka hung kal lai maw?” tiah a ti. Cun Bawipa nih amah cu, “Hung kal,” tiah a ti. David nih, “Khuazei ah khin dah ka hung kal hnga?” tiah a ti. Anih nih, “Hebron ah,” tiah a ti.

2 SAMUEL 5:23

Cun David nih Bawipa kha a hal tikah, “Na hung kal hnga lo; an hnulei in na va hel hna lai i balsam thing zawn khan na nam hna lai.

1 SIANGPAHRANG 22:6

Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

PHUNGTHLÛKBIA 3:6

Na kalnak lam kip ah amah kha hngal law Amah nih na lam kha a tluanter hna lai.

JEIM 4:15

“Bawipa a hna a tlak ahcun, kan nung lai i cucu khakha kan tuah lai,” ti tu ah nan ti awk deuh a si.

BIACEIHTU 20:28

Aaron fapa Eleazar i fapa Phinehas nih khi caan lioah a hmaiah rian a ṭuan) annih nih, “Kan unau Benjamin mi hna kha doh awkah kan chuak rih lai maw, asiloah kan ngol lai dah?” tiah an ti. Cun Bawipa nih, “Hung kal u; zeitintiah thaizing ah cun annih cu nan kut chungah kan pek hna lai,” a ti.

1 SAMUEL 22:15

Nihin hi maw amah caah Pathian ka chawnh hmasa bik a si? Si hlah! Siangpahrang nih na sal cungah hin siseh, ka pa innchungkhar vialte cungah hin siseh, zeihmanh khing sawh hlah seh; zeicahtiah na sal nih hin hi kong vialte hi zeihmanh ka hngal lo, a tam siseh, a tlawm siseh,” tiah a ti.

1 SAMUEL 23:2

Cucaah David nih Bawipa cu a hal i, “Hi Filistin mi hna hi ka va kal in ka va tu hna lai maw?” tiah a ti. Cun Bawipa nih David cu, “Va kal law, Filistin mi kha va tu hna law, Keilah kha va khamh tuah,” tiah a ti.

1 SAMUEL 23:4

Cun David nih Bawipa cu a hal ṭhan. Cun Bawipa nih a leh i, “Tho law, Keilah ah cun vung kal ko; zeitintiah Filistin mi hna cu na kut chungah kan pek lai,” tiah a ti.

1 SAMUEL 28:6

Cun Saul nih Bawipa kha a hal tikah Bawipa nih mang in siseh, Urim in siseh, profet hna in siseh, a let lo.