2 SAMUEL 4:4 - Lai (Hakha) Common Language Bible 2006

⁴ Saul fapa Jonathan nih khan fapa pakhat a ngeih i amah cu a ke a bei. Saul le Jonathan kong kha Jezreel in a hung than tikah amah cu kum nga a si; cun a cawngtunu nih khan aa pom duak i a zampi; cun khulrang i a zam lioah khan a thlak sual i a ke kha a bei. Cun a min cu Mefibosheth a si.

2 SAMUEL 4:4 ပူးပေါင်းရင်းမြစ်များ

2 SAMUEL 21:7

Sihmanhsehlaw Saul fapa Jonathan i fapa Mefibosheth kha cu a zuah, zeicahtiah annih karlak ah, David le Saul fapa Jonathan karlak ah khan Bawipa chiatserhnak a rak um.

2 SAMUEL 9:13

Cuticun Mefibosheth cu Jerusalem ah a um; zeitintiah siangpahrang cabuai ah khan rawl a ei zungzal. Amah cu a ke a pahnih in a bei.

2 SAMUEL 9:3

Cun siangpahrang nih, “Pathian zaangfahnak cu a cungah ka langhter khawh nakhnga, Saul innchungkhar chungin a um rihmi pakhat tal an um ti hnga lo maw?” tiah a ti. Ziba nih siangpahrang sinah cun, “Jonathan fapa pakhat a um rih; amah cu a ke a bei,” tiah a ti.

2 SAMUEL 9:6

Cun Saul fapa Jonathan i fapa Mefibosheth cu David sinah a ra i a kun i upatnak kha a pek. Cun David nih, “Mefibosheth,” tiah a ti. Cun anih nih, “Zohhmanh, na salpa hi,” tiah a leh.

1 SIANGPAHRANG 11:17

sihmanhsehlaw Hadad cu Izipt ah, a pa sinum Edom mi a cheukhat hna he tiah an zam, Hadad cu ngakchiate a rak si.

1 CHANRELNAK 8:34

cun Jonathan fapa cu Meribbaal a si; Meribbaal cu Mikah pa a si.

1 CHANRELNAK 9:40

cun Jonathan fapa cu Meribbaal a si, i Meribbaal cu Mikah pa a si.

1 SAMUEL 29:1

Filistin mi nih an ralkap vialte cu Afek ah an pumh hna i Israel mi cu Jezreel i a ummi cerh kamah khan an riak.

1 SAMUEL 29:11

Cucaah David cu a mi hna he khan zingka tein, Filistin mi hna ram i kir awkah khan an i thawh. Sihmanhsehlaw Filistin mi hna kha cu Jezreel ah an hung kal.