2 SAMUEL 4:11 - Lai (Hakha) Common Language Bible 2006

¹¹ Miding mi amah innte i a ummi, a ihkhun cung i a thattu miṭhalo hna chinchin cu, zeitluk tein dik nanmah kut ah a thisen man cu kan cawh hna lai i vawlei cungin kan hloh chinchin hna lai?” tiah a ti.

2 SAMUEL 4:11 ပူးပေါင်းရင်းမြစ်များ

GENESIS 4:11

Nangmah cu chiatserh na si cang i hi hmun hin ṭhawl na si lai. Hi hmun vawlei hi na nau thisen na chuahmi dolh awkah a kaa a rak angmi kha a si.

GENESIS 6:13

Cun Pathian nih Noah cu a thawh i, “Minung hi an dihlak in hrawh awkah ka ruah cang. An dihlak in ka hrawh hna lai, zeicahtiah vawlei hi sualnak an tuahmi in a khat.

GENESIS 7:23

Bawipa nih vawlei cung i a ummi thilnung vialte cu a thah dih hna, cu hna lakah cun minung zong an i tel, saṭil zong an i tel, saram hna phun zong an i tel, va zong an i tel. Hrawh lomi cu Noah le a sin i lawng chung i a ummi lawnglawng kha an si.

2 SAMUEL 16:8

A pennak na chuhmi Saul innchungkhar thisen vialte cu Bawipa nih nangmah cungah a kirter ṭhan cang; cun Bawipa nih pennak cu na fapa Absalom kut chungah a pek cang. Zohhmanh, nangmah cu thisen chuah hmangmipa na si caah na rawhnak cu na cungah a tlung cang,” tiah a ti.

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

1 SIANGPAHRANG 2:32

Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

SALM 109:15

Bawipa nih an sualnak cu hngal zungzal ko seh, anmah belte philh dipdep si ko hna seh.

SALM 9:12

Pathian nih hremnak a ingmi kha a philh hna lo i an aunak kha a philh lo: an cung i ṭhat lonak a tuahtu kha dan a tat hna.

EXODUS 21:12

“Ahohmanh mi a vel i a thatmi cu amah cu thah a si lai.

EXODUS 9:15

Nangmah le na mi hna cung i rai tlunter awkah ka kut kha rak samh ning law nan rak lo dih cikcek cang hnga.

PHUNGTHLÛKBIA 2:22

Sihmanhsehlaw miṭhalo hna cu ram chung khan hlonh an si lai i mi rawi hmangmi hna cu ram chung cun phawi an si lai.

PHUNGTHLÛKBIA 25:26

Miṭhalo mi lam a piantu miding cu, a nawimi tikhor bantuk, a thurmi tiput bantuk a si.

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

HABAKKUK 1:12

Maw Bawipa, nangmah cu hlanlio piin na um cang lo maw? Ka Pathian, nangmah cu a thiang i zungzal in a nungmi na si. Maw Bawipa, annih kha biaceihtu ah a sertu hna cu nangmah na si, Maw Lungpi, annih kha biaceihnak ah biakhiaktu i a sertu hna cu nangmah na si.

HABAKKUK 1:4

Cucaah nawlbia cu san a tlai ti lo i biading cu teitu a si kho ti lo; Miṭhalo nih khan miding mi cu an fimneh hna i cucaah biading cu merh lengmang a si ko cang.

1JOHAN 3:12

Miṭhalopa ta a simi Kain, a nau a thattu bantuk kha kan si awk a si lo. Zeicahdah Kain nih khan a thah? Amah tuahmi thil kha a ding lo i a nau tuahmi thil kha a din caah a si.