2 SAMUEL 3:29 - Lai (Hakha) Common Language Bible 2006

²⁹ Dantatnak Joab lu cung le a pa innchungkhar vialte cungah tla ko seh; cun Joab chung hna lakah hin thil chuak a ngeimi siseh, thinghmui zawtnak a ngeimi siseh, lathlur a tlaimi siseh, vainam nih a thahmi siseh, rawl a pammi siseh, ṭhing bal hna hlah seh!” tiah a ti.

2 SAMUEL 3:29 ပူးပေါင်းရင်းမြစ်များ

2 SAMUEL 1:16

Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘Bawipa chiti thuhmi cu ka thah,’ tiin nangmah cung i biahngaltu a si,” tiah a ti.

2 SAMUEL 16:8

A pennak na chuhmi Saul innchungkhar thisen vialte cu Bawipa nih nangmah cungah a kirter ṭhan cang; cun Bawipa nih pennak cu na fapa Absalom kut chungah a pek cang. Zohhmanh, nangmah cu thisen chuah hmangmipa na si caah na rawhnak cu na cungah a tlung cang,” tiah a ti.

2 SAMUEL 3:28

A hnuah, mah cucu David nih a theih tikah, “Keimah le ka pennak cu Bawipa hmaika ah Ner fapa Abner thi kongah hin a zungzal in mawhchiat awk um lo kan si ko.

2 SIANGPAHRANG 5:1

Siria siangpahrang i a ralkapbu haotu Naaman cu, Bawipa nih amah thawng in Siria cu teinak a pek caah, a bawipa mithmuh ah mi ngan le hmaizah ngaingaimi a si. Amah cu a ṭhawng i a ral a ṭhami a si, sihmanhsehlaw mithinghmui a si.

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

SALM 7:17

Bawipa cu dinnak a tuahmi ruangah ka lawmh lai, Cung Nung Bik Bawipa cu hla in ka thangṭhat lai.

EXODUS 21:19

hnu deuh ah ṭhiangṭhunh he i chawk kho hmanh seh law a cumtu nih khan asiloah a thongtu nih khan, a caan a sunghmi man kha a liam lai i a dam tiang a zohkhenh lai.

LEVITIKAS 15:2

“Israel mi cu hi bangin chim hna u. Pa paohpaoh nih a pum chungin a chuakmi thil a ngeih ahcun cu a thil chuakmi cu a thianglo a si.

NAMBAR 35:33

Cu bantukin nan umnak ram cu nan thurhhnawmh lai lo, zeitintiah thi nih ram cu a thurhnawmter i cu thi a chuahtertu thi lila dah ti lo nih cun, cu ram chung thletmi thi caah tlenghnak a tuah khotu zeihmanh a um lo.

LAMKALTU 28:4

Cuka rammi hna nih rul kha Paul kut i aa thlai ko cu an hmuh tikah pakhat le pakhat kha, “Hi pa hi lainawng a si ṭheo lai, rili in luat hmanh seh law khuazing nih nunter a duh lo i a si ko,” an ti.

DEUTERONOMI 21:6

Cun thahmipa a naih bik khua upa vialte nih, nelrawn ah a hngawng khiah a simi cawla cungah khan an kut an i ṭawl lai i,

BIAPHUAN 16:6

Pathian mi hna le profet hna kha an thi an rak chuah hna caah nangmah nih annih cu din awkah thi kha na pek ve hna. Annih nih hmuh awk i an i tlakmi kha an hmuh ko,” a ti.

BIACEIHTU 9:24

mah cucu, Jerubbaal fapa sawm sarih hna cung i sumṭhen loin an tuahnak kha a tlun i, an thi cu anmah a thattu hna an unaupa Abimelek le a unau hna thah awkah a kut a ṭhawntertu hna Shekhem khuami cungah khan, chiah a si nakhnga caah a si.