2 SAMUEL 3:28 - Lai (Hakha) Common Language Bible 2006

²⁸ A hnuah, mah cucu David nih a theih tikah, “Keimah le ka pennak cu Bawipa hmaika ah Ner fapa Abner thi kongah hin a zungzal in mawhchiat awk um lo kan si ko.

2 SAMUEL 3:28 ပူးပေါင်းရင်းမြစ်များ

GENESIS 4:10

Cun Bawipa nih cun, “Zeicahdah hi thil ṭhalo hi na tuah? Ngai hmanh! Nangmah nih na chuahmi na nau thisen nih khan vawlei in a ka auh lengmang ko.

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

2 SAMUEL 1:16

Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘Bawipa chiti thuhmi cu ka thah,’ tiin nangmah cung i biahngaltu a si,” tiah a ti.

2 SAMUEL 16:8

A pennak na chuhmi Saul innchungkhar thisen vialte cu Bawipa nih nangmah cungah a kirter ṭhan cang; cun Bawipa nih pennak cu na fapa Absalom kut chungah a pek cang. Zohhmanh, nangmah cu thisen chuah hmangmipa na si caah na rawhnak cu na cungah a tlung cang,” tiah a ti.

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

2 SAMUEL 3:29

Dantatnak Joab lu cung le a pa innchungkhar vialte cungah tla ko seh; cun Joab chung hna lakah hin thil chuak a ngeimi siseh, thinghmui zawtnak a ngeimi siseh, lathlur a tlaimi siseh, vainam nih a thahmi siseh, rawl a pammi siseh, ṭhing bal hna hlah seh!” tiah a ti.

EXODUS 21:12

“Ahohmanh mi a vel i a thatmi cu amah cu thah a si lai.

NAMBAR 35:33

Cu bantukin nan umnak ram cu nan thurhhnawmh lai lo, zeitintiah thi nih ram cu a thurhnawmter i cu thi a chuahtertu thi lila dah ti lo nih cun, cu ram chung thletmi thi caah tlenghnak a tuah khotu zeihmanh a um lo.

MATTHAI 27:24

Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, “Hi misual lopa thihnak kong ah hin kei cu ka thiang, nanmah tuahmi a si,” tiah a ti.