2 SAMUEL 3:16 - Lai (Hakha) Common Language Bible 2006

¹⁶ Sihmanhsehlaw a va nih khan a zulh i Bahurim tiangin a ṭah lengmang. Cun Abner nih amah cu, “Va kal law va kir tuah,” tiah a ti i a kir.

2 SAMUEL 3:16 ပူးပေါင်းရင်းမြစ်များ

2 SAMUEL 16:5

David Siangpahrang cu Bahurim ah a phak tikah, Saul chung a simi innchungkhar chungin mipa pakhat a ra chuak i a min cu Shimei a si, amah cu Gera fapa a si; a chuah pah cun chiat a serh lengmang.

2 SAMUEL 17:18

Sihmanhsehlaw tlangval pakhat nih a hmuh hna i Absalom kha a va chimh; cucaah an pahnih in khulrang in an kal i Bahurim i mipa pakhat inn ah khan an va phan i cu pa nih cun a inntual ah tikhor pakhat a rak ngei i cu chungah cun an vung lut.

2 SAMUEL 19:16

Cun Benjamin phun Gera fapa Shimei, Bahurim khuami kha, David Siangpahrang don awkah cun khulrang in Judah mi hna sinah khan a ra ve;

2 SAMUEL 19:17

cun amah sinah cun Benjamin mi thong khat an um. Cun Saul innchungkhar sinum Ziba kha a fapa hleinga le a sinum pakul he tiah, siangpahrang hmaiah khan Jordan tiva ah cun an rung tli,

2 SAMUEL 23:31

Arbath mi Abialbon, Bahurim mi Azmaveth,

2 SAMUEL 3:15

Cun Ishbosheth nih cun mi a hei thlah hna i amah cu Laish fapa Paltiel, a va sin khan a lakter hna.

1 SIANGPAHRANG 2:8

Cun na sinah Benjamin mi Bahurim khuami Gera fapa Shimei zong kha a um, Mahanaim i ka hung kal ni ah khan amah nih a fakmi chiat a ka serh; sihmanhsehlaw keimah ton awkah Jordan i a run tikah, a sinah Bawipa min chalh in chiat ka ser i, ‘Vainam in kan that lai lo,’ tiah ka ti.

JEREMIAH 41:6

Cun Nethaniah fapa Ishmael cu anmah ton awkah ṭah bu in Mizpah in a ra chuak i a ton tik hna ah, “Ahikam fapa Gedaliah sinah hin rung lut tuah u,” tiah a ti hna.