2 SAMUEL 3:12 - Lai (Hakha) Common Language Bible 2006

¹² Cun Abner nih David sinah khan Hebron ah lamkal a hei thlah hna i, “Ram hi aho ta dah a si? Keimah he biakamnak ser law, zohhmanh, Israel mi vialte cu nangmah sin i komhter awkah ka kut cu nangmah sinah a ṭang lai,” tiah a ti.

2 SAMUEL 3:12 ပူးပေါင်းရင်းမြစ်များ

2 SAMUEL 19:14

Cun Judah mi vialte kha minung pakhat lungthin bantukin an lungthin kha a lak dih hna i cucaah annih nih siangpahrang cu bia an hei cah i, “Nangmah he na sinum vialte he ra kir dih u,” tiah an ti.

2 SAMUEL 19:41

Cun Israel mi vialte cu siangpahrang sinah khan an ra i siangpahrang cu an thawh i, “Zeicahdah kan unau Judah mi hna nih a fir in an in fir i siangpahrang le a innchungkhar hna le David mi vialte hna cu Jordan va ral ah an in chuahpi hna?” tiah an ti.

2 SAMUEL 19:6

zeicahtiah nangmah nih nangmah an huatu cu na dawt hna i an dawtu cu na huat hna. Zeitintiah nihin ah hin na ralbawi hna le an sinum hna cu na caah zeihmanh an si lo ti kha fiang tein na langhter cang; zeicahtiah nihin ah hin Absalom kha nung seh law kannih vialte hi thi dih u si law, cu nih cun an lawmhter deuh hnga, tiah nihin ah hin ka hmuh.

2 SAMUEL 3:11

Cun Ishbosheth nih Abner cu a ṭih caah bia dang kaa khat hmanh a let kho lo.

2 SAMUEL 3:13

Cun anih nih, “A ṭha ko; nangmah he biakamnak cu ka ser lai; sihmanhsehlaw nangmah sinin thil pakhat kan hal; cu cu Saul fanu Mikhal kha ka hmai hmuh awk i na rat tikah na ratpi hmasa lo ahcun, ka hmai na ka hmu lai lo,” tiah a ti.

2 SAMUEL 3:21

Cun Abner nih David sinah, “Ka va kal lai i siangpahrang bawipa sinah khan, Israel mi vialte cu ka pumh hna lai. Nangmah he biakamnak an ser lai i na lung duhmi a rak si bang khan na uk hna lai,” tiah a ti. Cucaah David nih Abner cu a kalter i daihnak in a kal.

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

2 SAMUEL 3:38

Cun siangpahrang nih a sinum hna sinah cun, “Nihin ah hin Israel mi chungah bawi le mingan pakhat a thi ti kha nan hngal lo maw?

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.