2 SAMUEL 24:2 - Lai (Hakha) Common Language Bible 2006

² Cucaah siangpahrang nih cun Joab le ralkapbu haotu a sin i a ummi hna kha a thawh hna i, “Israel phun dihlak chungah khan, Dan in Beersheba tiang, i chawk u law, mi kha va rel hna u, mi kha zeizat dah an si hngalh ka duh,” tiah a ti.

2 SAMUEL 24:2 ပူးပေါင်းရင်းမြစ်များ

GENESIS 21:14

A thaizing cu zingka tein Abraham nih Hagar cu rawl tlawmpal le saphaw tithawl ti a khat tein a ummi kha a pek i nau kha a puakter i a kalter hna. Hagar cu Beer-sheba ramlak ah khan a vai lengmang.

2 SAMUEL 17:11

Cucaah kei ka ruahnak cheuhmi cu hitin a si: Israel mi vialte cu Dan in Beersheba tiang nangmah sinah kan pumh hna lai, an tam ning rilikam thetse zat in, cun nangmah zong na pum in raldohnak hmun ah cun na kal ve lai.

2 SAMUEL 2:13

Cun Zeruiah fapa Joab le David sinum hna cu an chuak i Gibeon tili ah khan an va ton hna; tili khatlei kamah phu khat an ṭhu i tili khattelei kamah phu dang an ṭhu.

2 SAMUEL 20:23

Joab cu Israel ralkap vialte haotu a si; Jehoiada fapa Benaiah cu Khereth mi le Peleth mi haotu a si;

2 SAMUEL 23:37

Ammon mi Zalek, Zeruiah fapa Joab i a hriamnam putu Beeroth khuami Naharai,

2 SAMUEL 24:15

Cucaah Bawipa nih zingka khan a caan khiahmi tiang Israel mi cungah rai kha a tlunter i mi cu, Dan in Beersheba tiang, sang sarih an thi.

2 SAMUEL 8:16

Cun Zeruiah fapa Joab cu ralkapbu haotu bik a si i Ahilud fapa Jehoshafat cu cazin ṭialtu a si;

1 CHANRELNAK 21:2

Cucaah David nih cun Joab le ralkapbu haotu hna kha a thawh hna i, “Va kal u law, Israel mi kha Dan in Beersheba tiang va rel hna u, cun zeizat an si kha ka hngalh nakhnga ka chim ṭhan u,” tiah a ti.

2 CHANRELNAK 32:31

Cucaah Babilon bawi hna nih, ram chung i tuahmi hmelchunhnak va hlathlai awk i a sinah an thlahmi lamkal hna kong ah khan, amah cu hneksak awk le a lung chung i a ummi vialte hngalhnak ah, Pathian nih amah tein a thlah ko.

PHUNGTHLÛKBIA 29:23

Mi cu aa porhlawtnak nih tangah a ṭhumh lai, sihmanhsehlaw toi dornak lungthin a ngeimi cu upatnak a hmu lai.

JEREMIAH 17:5

Bawipa nih hi bangin a ti: “Minung kha a bochan i minung kha aa hngatchanmi ah aa serh i Bawipa kha a mertakmi cu a cungah chiat tlung ko seh!

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

BIACEIHTU 20:1

Cun Israel mi vialte cu Dan in Beersheba tiang, Gilead zong tel chih in an chuak i, mibu cu Bawipa sinah Mizpah ah minung pakhat bantukin an i pum.