2 SAMUEL 24:14 - Lai (Hakha) Common Language Bible 2006

¹⁴ Cun David nih Gad cu a thawh i, “Harnak nganpi chungah ka um; Bawipa kut chungah cun tla ko u sih, zeitintiah anih cu a zaangfahnak a ngan, sihmanhsehlaw minung kut chungah cun tla sawh hlah u sih,” tiah a ti.

2 SAMUEL 24:14 ပူးပေါင်းရင်းမြစ်များ

2 SAMUEL 9:8

Cun upatnak kha a tuah i, “Na salpa hi zeidah ka si i uico thi cia bantuk keimah hi na ka hramh?” tiah a ti.

2 SIANGPAHRANG 6:15

Pathian mipa sinum cu zingka in a thawh i a chuah tikah, zohhmanh, ralkapbu cu rang le rangleng he khua velchum cun an rak um. Cun sinum nih cun, “Aize, ka bawipa! Zeidah kan tuah lai?” tiah a ti.

1 CHANRELNAK 21:13

Cun David nih Gad cu a thawh i, “Harnak nganpi chungah ka um; Bawipa kut cungah cun tla ko ning, zeitintiah anih cu a zaangfahnak a ngan ngaingai; sihmanhsehlaw minung kut chungah cun tla sawh hlah ning,” tiah a ti.

SALM 119:156

sihmanhsehlaw Bawipa na zaangfahnak cu a ngan caah na biakhiahnak bantukin ka khamh ko.

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

SALM 130:7

Bawipa cu a dawtnak kha a fek i mi tlanh kha a duh zungzalmi a si caah, Maw Israel, amah cu i bochan ko.

SALM 145:9

Aho cung paoh ah a ṭha i a sermi hna an dihlak cungah zaangfahnak a ngei.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

PHUNGTHLÛKBIA 12:10

Miṭha nih cun an saṭil kha an zawn an ruah hna, sihmanhsehlaw miṭhalo cu an saṭil cungah cun an puar.

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

JEREMIAH 39:17

Sihmanhsehlaw nang cu khi ni ah cun kan huhphenh lai i na ṭihmi hna kut chungah chanh na si lai lo,’ tiah Bawipa nih a ti.

ṬAHNAK HLA 3:22

Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

MIKAH 7:19

Kan cungah zaangfahnak kha na ngei ṭhan ko rih lai i, Kan ṭhat lonak kha na ṭawl lai i kan sualnak kha a thukmi rili tawne ah na hlonh lai.

ZEKHARIAH 1:15

sihmanhsehlaw zaang awl ngaiin a um komi miphun hna an cungah hin ka thin a hung, zeicahtiah ka thinhunnak cu a nemte a si ko lioah khan, annih nih ṭhat lonak kha pakhat hnu pakhat an chap chin lengmang.

JOHAN 12:27

Jesuh nih cun aa thawh i, “Atu hi ka lungre a thei — zeidah ka chim lai? ‘Ka Pa, hi caan hi ka cungah phakter hlah,’ ka ti lai maw? Ka ti lai lo, hi nganfahnak innak caan ton dingah hin pei ka rat cu.

FILIPI 1:23

Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a ṭha deuh suaumaumi a si;

1 SAMUEL 13:6

Israel mi nih harnak chungah kan um ti kha an hmuh tikah (zeitintiah annih cu fak piin an det hna) mi hna cu lungkua hna le khor hna le lungpi chung hna le thlan chung hna le ti inn chung hna ah an i thup,