2 SAMUEL 24:13 - Lai (Hakha) Common Language Bible 2006

¹³ Gad cu a sinah khan a va kal i Bawipa nih a chimhmi kha a va chimh i, “Zeidah naa thim lai? Na ram chung i kum thum mangṭam maw, na ral hna sinin thla thum zam maw, na ram chung i ni thum chung rai tlun dah? Cucaah i ruat law Bawipa sinah zei bialehnak dah ka kirpi lai ka chim tuah,” tiah a ti.

2 SAMUEL 24:13 ပူးပေါင်းရင်းမြစ်များ

2 SAMUEL 21:1

David caan lioah cun kum thum chung, aa peh lengmang in mangṭam a tlung i David nih Bawipa hmai kha a kawl. Cun Bawipa nih, “Saul le a innchungkhar cungah thisen chuah mawhnak a um caah a si; zeicahtiah Gibeon mi kha a thah hna,” tiah a ti.

2 SIANGPAHRANG 8:1

Cun Elisha nih a fapa a rak nunter ṭhanmi minu sinah khan, “Tho law, na innchungkhar dihlak he kal u law, na pem khawhnak paoh ah va pem; zeicahtiah Bawipa nih mangṭam kha a kawh cang i hi ram cungah hin kum sarih chung a tla lai,” tiah a ti.

1 CHANRELNAK 21:12

Kum thum chung mangṭam maw, asiloah na ral nih nangmah kha thla thum chung hrawh maw, cu chungah cun na ral hna vainam nih nangmah cu an in phanh lai; asiloah Bawipa vainam ni thum chung hrem dik, cucu ram chungah rai tlun le Bawipa vancungmi nih Israel chung dihlak ah rawhnak tuah a si lai,” a ti. Cu Gad nih cun David cu, “A ka thlahtu sinah zei bialehnak dah ka kirpi lai, atu ah bia i khiak tuah,” tiah a ti.

SALM 91:6

mui lak i a ummi rai zong kha na ṭih lai lo i chun ceu i mi a that cuahmahmi ngal-eu zong kha na ṭih lai lo.

EXODUS 7:25

Bawipa nih tiva a tuk cu ni sarih a si cang.

LEVITIKAS 26:20

cun nan thazang cu pakpalawng ah nan hman lai, zeitintiah nan ram nih tirawl a chuah lai lo i nan ram chung thingkung hna nih thei an tlai lai lo.

LEVITIKAS 26:25

Cun nannih cungah vainam ka tlunter lai i biakamnak caah khan phuhlamnak a tuah lai; nan khua chungah nan i pumh ahcun nan lakah rai ka tlunter lai i nan ral hna kut ah khan nanmah cu pek nan si lai.

LUKA 4:25

Cucaah ka bia hi ngai hmanh u. Elijah chan i kum thum le a cheu khua a khen i Israel ram chung dihlak ah pam a tlun ah khan, cu ram chungah nuhmei tampi an rak um taktak ko,

DEUTERONOMI 28:22

Bawipa nih ngornak, taklinhnak, phinnak le niritnak, rocarnak, thutnak le buarnak in an hrem hna lai; nan rawk hlantiang an in dawi hna lai.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

DEUTERONOMI 28:27

Bawipa nih Izipt ram khuaihli le tawlhmat le cuarhmat le thakpherh in an hrem hna lai i damh khawh nan si lai lo.

DEUTERONOMI 28:35

Bawipa nih nan khuk le nan ke ah a fakmi khuaihli an tlunhter hna lai i damh khawh nan si lai lo, nan kechik in nan luthlung tiang an tuah hna lai.

DEUTERONOMI 28:52

Nan ram chung dihlak i nan i bochanmi a sang le a fekmi ralhau an chimh dih tiangin, nan khua kip ah an in hren hna lai; Bawipa nan Pathian nih an pekmi hna nan ram chung dihlak ah nan khua kip ah an in hren hna lai.

1 SAMUEL 25:17

Cucaah mah hihi hngal law zeidah ka tuah lai ti kha i ruat tuah; zeitintiah kan bawipa le a innchungkhar vialte cung i ṭhat lonak tuah kha timh a si cang, amah hi ahohmanh nih chawnh khawh loin michiakha a si fawn ṭung,” tiah a ti.