2 SAMUEL 24:10 - Lai (Hakha) Common Language Bible 2006

¹⁰ Sihmanhsehlaw mi an rel dih hna hnuah khan David cu lung sivang in a um. Cun David nih Bawipa sinah cun, “Ka tuahmi ah hin fak piin ka sual cang. Sihmanhsehlaw, maw Bawipa, hruhnak piin ka tuah cang caah, na salpa ka ṭhat lonak hi ka hlohpiak ko sawh, tiah kan nawl,” tiah a ti.

2 SAMUEL 24:10 ပူးပေါင်းရင်းမြစ်များ

2 SAMUEL 12:13

Cun David nih Nathan sinah cun, “Bawipa sinah ka sual cang,” tiah a ti. Cun Nathan nih David cu, “Bawipa zong nih na sualnak kha an ngaihthiam cang, na thi lai lo.

2 SAMUEL 24:17

Cun mi a that lentu vancungmi kha a hmuh tikah David nih Bawipa sinah bia a chim i, “Zohhmanh, ka sual cang i ṭhalo ngaiin ka tuah cang; sihmanhsehlaw hi tuu hna nih hin zeidah an tuah? Na kut cu keimah le ka pa innchungkhar cungah si ko seh, tiah kan nawl,” tiah a ti.

1 SIANGPAHRANG 8:35

“Cun nangmah cung i an sual ruangah van cu a pih i ruah a sur lo tikah, hi hmun lei hoih in thla an cam i na min kha an upat i nangmah nih na hrem hna tikah, an sualnak kha an mertak ahcun,

1 CHANRELNAK 21:7

Sihmanhsehlaw Pathian cu hi thil cungah khan aa lawm lo i Israel mi kha a thah hna.

1 CHANRELNAK 21:8

Cun David nih Pathian sinah cun, “Hi thil ka tuahmi ah hin fak piin ka sual cang. Sihmanhsehlaw hruhnak piin ka tuah cang caah na salpa ka ṭhat lonak hi ka hlohpiak ko sawh, tiah kan nawl,” tiah a ti.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

2 CHANRELNAK 32:26

Sihmanhsehlaw a lung porhlawtnak kha Hezekiah cu aa ṭhum ṭhan i amah he Jerusalem mi hna he an i ṭhumh caah Bawipa thinhunnak cu an cungah Hezekiah chan ah khan cun a tlung lo.

JOB 7:21

Zeicahdah ka phungbuarnak cu na ka ngaihthiam ko lo i, Ka ṭhat lonak cu na ka hlonhpiak ko lo? Zeicahtiah atu cu vawlei chungah ka it lai; Na ka kawl lai, sihmanhsehlaw ka rak um ti lai lo,” tiah a ti.

SALM 32:5

Khi tikah ka sualnak cu nangmah sinah ka phuan hna; ṭhat lonak ka tuahmi cu ka thup hna lo. Nangmah sinah khan ka phuan dih hna i ka nawlbuarnak vialte cu na ka ngaihthiam dih. Selah

EXODUS 10:16

Cu tikah Faro nih Moses le Aaron kha khulrang in a auh hna i, “Bawipa nan Pathian cung le nanmah cungah ka sual cang.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.

JOEL 2:12

“Atu zong hmanh ah hin, nan lung tak tein i ngaihchih u law, rawl kha ul u law ṭap u law nan ṭang i cum tuah u.

NAMBAR 12:11

Cun Aaron nih Moses sinah, “Maw, ka bawipa, dan kan tat sawh hlah, zeicahtiah hruh bu piin kan tuah i kan sual cang.

MARKA 7:22

va cung pa duh tehna, hakkauh tehna, ṭhat lonak a phunphun tuah tehna, lihchim tehna, zuanzam tehna, mi nahchuah tehna, mi congoih tehna, lungpuam tehna, ningcang lo khuasak tehna —

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

JOHAN 8:9

Cu bia cu an theih tikah pakhat hnu pakhat in an i zukphiak dih, upa pawl kha an i zuk hmasa. Jesuh lawng cu a tang i a pawngah cun minu kha a dir ko.

DEUTERONOMI 32:6

Nannih mihrut le minga hna, Bawipa cu hi bantukin nan rulh lai maw? Amah cu na pa, nangmah an ser, an siam i An fehtertu a si lo maw?

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

1JOHAN 1:9

Sihmanhsehlaw Pathian sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.

1 SAMUEL 13:13

Cun Samuel nih Saul cu, “Na tuahmi hi hruhnak ngaingai a si; Bawipa na Pathian nih an pekmi a nawlbia cu na zul lo; zeicahtiah atu cu, Bawipa nih na pennak cu Israel mi cungah zungzal ca in a hei fehter ko hnga.

1 SAMUEL 24:5

Cun a hnuah cun Saul puanki par a va hleh caah khan David cu lung sivang in a um.

1 SAMUEL 24:6

A mi hna sinah khan, “Amah cu Bawipa chiti thuhmi kha a si caah, amah cung i ka kut samh awkin, Bawipa chiti thuhmi ka bawipa cungah hi thil ka tuahmi hi Bawipa nih ka thlauh ko seh,” tiah a ti.

1 SAMUEL 26:21

Khi tikah Saul nih, “Ka palh cang, ra kir tuah, ka fapa David, ka nunnak cu na mit ah nihin ah hin a sun caah na cungah harnak ka tuah ti lai lo; zohhmanh, ka rak hrut hrimhrim ko i fak piin ka palh cang,” tiah a ti.