2 SAMUEL 24:1 - Lai (Hakha) Common Language Bible 2006

¹ Israel mi hna cungah Bawipa thinhunnak cu a alh ṭhan i, “Va kal law, Israel mi le Judah mi vialte kha va rel hna,” tiin David kha an cung i hnahnawhnak tuah awkah a lungthin a thawhter.

2 SAMUEL 24:1 ပူးပေါင်းရင်းမြစ်များ

GENESIS 45:5

Hi ram i nan rak ka zuar caah hin nanmah le nanmah sual i phaw hlah u, lung ṭhalo zongin um hlah u. A ngaingai ti ahcun nan hmai i a rak ka kaltertu hi Pathian a si i nan nunnak khamhnak ding caah a rak si.

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

2 SAMUEL 12:11

Hi bangin Bawipa nih, ‘Zohhmanh, nangmah inn chung lila in ṭhat lonak nangmah cungah ka chuahter lai i na mitka hrimhrim ah na nupile hna cu ka lak hna lai i na innpa kha ka pek hna lai i hi ni ka hmuh hngan ah hin na nupile cu a ihpi hna lai.

2 SAMUEL 16:10

Sihmanhsehlaw siangpahrang nih cun a thawh i, “Nannih Zeruiah fapa hna, nannih nan i thlaknak zeidah a um? Bawipa nih amah cu, ‘David kha chiat va serh,’ tiah a ti i chiat a ka serh a si ahcun, ‘Zeicahdah mah cuticun na ti?’ tiah aho nih dah a ti khawh lai?” tiah a ti.

2 SIANGPAHRANG 3:6

Cucaah cu caan ah cun Siangpahrang Joram cu Samaria in a chuak i Israel mi vialte kha a pumh hna.

1 CHANRELNAK 21:1

Satan nih Israel mi kha a doh hna i David kha Israel mi cu rel awkah a forh.

1 CHANRELNAK 7:2

Tola fapa hna: Uzzi, Refaiah, Jeriel, Jahmai, Ibsam, le Shemuel, annih hi an pupa Tola innchungkhar hna chung i lu cio an si, anmah chan i a ṭhawngmi ralkap an si i David chan ah khan sang hnih le thong hnih le za ruk an si.

1 CHANRELNAK 7:40

Mah hna vialte hi Asher mi, an pale innchungkhar cio i an lu hna an hnatlakmi hna, ralkap ṭhawng bawi hna lak i upa bik an si. An chuahkehnak ningin raldohnak ca i minthlak tikah mi sang hnih le thong ruk an si.

2 CHANRELNAK 32:25

Sihmanhsehlaw Hezekiah cu a lung in aa porhlawt caah a cung i ṭhathnemnak a tuahmi caah khan aa lawm lo. Cucaah amah le Judah le Jerusalem cungah thinhunnak a tlung.

EXODUS 7:3

Sihmanhsehlaw Faro cu a lung ka ṭhawnter lai i Izipt ram chungah hin khuaruahharmi thil tampi ka tuah lai nain

EZEKIEL 14:9

Profet pakhatkhat cu biachim khan leem khawh a si ahcun, a lemtu cu Bawipa ka si, ka kut ka chuah lai i amah cu Israel mi chungin ka chuah lai.

EZEKIEL 20:25

Cun ka tuah rihmi cu hihi a si: An cungah khan nawlbia ṭha a si lomi kha ka chiah i nunnak hmuh khawhnak a si lomi phunglam kha ka chiah hna.

LEVITIKAS 10:6

Cun Moses nih Aaron le a fapa hna Eleazar le Ithamar sinah, “Nan sam i thlah hlah u, nan puan kha thlek hna hlah u, nan thih sual i mibu dihlak cungah thinhunnak a rat sual nakhnga lo; sihmanhsehlaw Bawipa nih a kanghtermi mei kanghnak cu nan unau, Israel chungkhar dihlak nih khan, ṭah hna seh.

NAMBAR 1:19

Cu bangin Sinai ramlak ah a rel hna.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

2 THESALON 2:11

Cucaah Pathian nih palhnak ṭhawnnak kha a thlahhnawh hna i ahmaan lomi thil kha an zumh.

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

BIACEIHTU 2:20

Cucaah Bawipa thinhunnak cu Israel cungah a alh i, “Hi mi hna nih hin an pupa hna sinah nawl ka pekmi ka biakamnak kha an hrawh i ka bia kha an ngaih lo caah,

1 SAMUEL 26:19

Cucaah ka bawipa siangpahrang nih hin a salpa ka bia hi ka ngaihpiak tuah seh. Keimah doh awkah an forhtu hi Bawipa a si ahcun, pekchanhnak hi cohlang ko seh; sihmanhsehlaw minung an si ahcun, BAWIPA hmaiah chiat si ko hna seh, zeitintiah annih nih nihin ah hin Bawipa ro chungah covo ka ngeih nakhnga lo an ka dawi i, ‘Va kal law, pathian dang kha va bia hna,’ an ka ti.