2 SAMUEL 23:3 - Lai (Hakha) Common Language Bible 2006

³ Israel Pathian nih a chim cang, Israel lungpi nih a ka chimh cang: Uktu nih mi kha dinnak in a uk hna i Pathian ṭih buin a uk hna tikah,

2 SAMUEL 23:3 ပူးပေါင်းရင်းမြစ်များ

GENESIS 33:20

Cuka ah cun biakṭheng pakhat a ser i a min ah El, Elohe-Israel, a sak.

2 SAMUEL 22:32

“Zeitintiah Bawipa dah ti lo cu ahodah Pathian a si? Kan Pathian dah ti lo cu ahodah lungpi a si?

2 SAMUEL 8:15

Cucaah David nih Israel mi vialte cu a pen hna i David nih a mi vialte cu biading le ruannak in a uk hna.

1 SIANGPAHRANG 10:9

Bawipa na Pathian, nangmah chungah lawmhnak a ngei i Israel mi bawi ṭhutdan cungah an ṭhuttertu cu thangṭhat si ko seh. Bawipa nih Israel cu zungzal in a dawt caah, nangmah nih biading le dinnak cu na tuah nakhnga, siangpahrang ah an ser,” tiah a ti.

NEHEMIAH 5:14

Cuhleiah Judah ram chung i an uktu bawi si awkah rian pek ka si thawk in, Artazaksis siangpahrang a sinak kum kulnak in kum sawm thum le kum hnihnak tiang, kum hleihnih chung, keimah nih siseh, ka unau hna nih siseh, uktu bawi ca rawl kha kan ei lo.

JOB 34:17

Dinnak a huatu nih cun uktu a si kho bal hnga maw?

SALM 110:2

Zion in a rami Bawipa nih, uknak nawl cu an pek tikah, “Na ral cu uk hna,” an ti lai i na nawl ngeihnak cu hmun dang tiangin a karh lai.

SALM 42:9

Pathian ka lungpi cu ka thawh i, “Zeicahdah na ka philh? Ka ral nih an ka hremnak hi zeicahdah ka in zungzal ko lai?

SALM 72:1

Maw Pathian, siangpahrang nih hin bia ka ceih tikah na dinnak kha ka hman nakhnga, ka cawnpiak ko;

SALM 72:2

cun na mi cu dinnak in ka uk hna nakhnga le sifakmi kha ding tein an bia ka ceihpiak hna nakhnga na dinnak kha keimah cu ka hrawm ko.

EXODUS 18:21

Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a ṭihmi, bochan awk tlak a simi an si lai, nawhthuh pek khawh lomi an si lai.

EXODUS 20:2

Aa thawh i, “Sal i nan cannak inn chung, Izipt ram chungin an chuahtu hna cu Bawipa nan Pathian hi ka si.

EXODUS 3:15

Cun Pathian nih Moses cu a thawh ṭhan i, “Israel mi cu, ‘Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,’ tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.

PHUNGTHLÛKBIA 31:9

Annih cu an bia chimpiak hna law an caah a dingmi biaceihtu va si ko; sifakmi le retheimi kha dirkamh hna.

ISAIAH 32:1

Ni khatkhat cu dinnak in ram a uktu siangpahrang a um te lai i a kut tang i rian a ṭuanmi a bawi hna zong nih dinnak in mi kha an uk ve hna lai.

JEREMIAH 23:5

David ruang in a dingmi Nge pakhat ka corhter lai caan a ra lio, tiah Bawipa nih a ti. Cu siangpahrang nih cun fimnak in a uk hna lai i Ram chungah phung le dinnak kha a hmunhter lai.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

HEBRU 1:8

Sihmanhsehlaw a Fapa tu cu, “Maw Pathian, na bawiṭhutdan cu zungzal in zungzal tiang a hmun lai: Na pennak cu dinnak in na uk.