2 SAMUEL 23:22 - Lai (Hakha) Common Language Bible 2006

²² Mah thil hna hi Jehoiada fapa Benaiah nih khan a tuah hna i miṭhawng pathum hna sinah khan a thang aa chuah ve.

2 SAMUEL 23:22 ပူးပေါင်းရင်းမြစ်များ

2 SAMUEL 20:7

Cun Abishai cu Joab le Khereth mi hna le Peleth mi hna le miṭhawng vialte nih khan an zulh; Bikhri fapa Sheba dawi awkah cun Jerusalem in an i thawh.

2 SAMUEL 23:20

Jehoiada fapa Benaiah cu Kabzeel khuami mi ralṭha, thil lianngan a tuahtu a si; amah nih Moab ariel pahnih a thah hna. Cun hawhra a tlak ni ah khan a vung kal i chiandeih pakhat zong khor chungah a thah fawn.

2 SAMUEL 23:21

Cun Izipt mi pakhat, aa dawh ngaimipa, a thah. Izipt mipa cu fei aa put, sihmanhsehlaw Benaiah nih cun thing thluan he a vun fuh i Izipt mipa cu a kut chungin fei kha a chuh i amah fei lila cun a thah.

2 SAMUEL 23:23

Sawm thum hna lakah khan a min a thang ve, sihmanhsehlaw pathum hna kha cu a khingkhang hna lo. Cun David nih a pum ralveng haotu ah a chiah.

2 SAMUEL 8:18

cun Jehoiada fapa Benaiah cu Khereth mi hna le Peleth mi hna cung i haotu a si i David fapa hna cu tlangbawi an si.