2 SAMUEL 23:20 - Lai (Hakha) Common Language Bible 2006

²⁰ Jehoiada fapa Benaiah cu Kabzeel khuami mi ralṭha, thil lianngan a tuahtu a si; amah nih Moab ariel pahnih a thah hna. Cun hawhra a tlak ni ah khan a vung kal i chiandeih pakhat zong khor chungah a thah fawn.

2 SAMUEL 23:20 ပူးပေါင်းရင်းမြစ်များ

2 SAMUEL 1:23

Saul le Jonathan, duh a nung i aa dawhmi hna, nunnak ah siseh thihnak ah siseh an i ṭhen lo; muvanlai nakin an khul a rang, chiandeih nakin an ṭhawng.

2 SAMUEL 20:23

Joab cu Israel ralkap vialte haotu a si; Jehoiada fapa Benaiah cu Khereth mi le Peleth mi haotu a si;

2 SAMUEL 23:19

Amah cu sawm thum hna lakah khan min thang bik a si i an haotu ah a cang, sihmanhsehlaw pathum hna kha cu a khingkhang hna lo.

2 SAMUEL 23:21

Cun Izipt mi pakhat, aa dawh ngaimipa, a thah. Izipt mipa cu fei aa put, sihmanhsehlaw Benaiah nih cun thing thluan he a vun fuh i Izipt mipa cu a kut chungin fei kha a chuh i amah fei lila cun a thah.

2 SAMUEL 23:22

Mah thil hna hi Jehoiada fapa Benaiah nih khan a tuah hna i miṭhawng pathum hna sinah khan a thang aa chuah ve.

2 SAMUEL 8:18

cun Jehoiada fapa Benaiah cu Khereth mi hna le Peleth mi hna cung i haotu a si i David fapa hna cu tlangbawi an si.

1 SIANGPAHRANG 1:26

Sihmanhsehlaw na salpa keimah le tlangbawi Zadok le Jehoiada fapa Benaiah le na sal Solomon kha cu a kan sawm lo.

1 SIANGPAHRANG 1:38

Cucaah tlangbawi Zadok, profet Nathan le Jehoiada fapa Benaiah le Khereth mi hna le Peleth mi hna kha an vung kal i Solomon cu David Siangpahrang laa cungah khan an citter i Gihon ah an ratpi.

1 SIANGPAHRANG 1:8

Sihmanhsehlaw tlangbawi Zadok le Jehoi-ada fapa Benaiah le profet Nathan le Shimei le Rei le David miṭhawng hna nih khan cun Adonijah kha an ṭanpi lo.

1 SIANGPAHRANG 2:46

Cun siangpahrang nih Jehoiada fapa Benaiah cu nawl a pek i a va kal i a tuk i a thi. Cucaah pennak cu Solomon kut chungah fehter a si.

1 CHANRELNAK 12:8

Gad mi hna chungin a ṭhawng i a thiam ngaingaimi ralkap hna, phaw hman le fei hman a thiam ngaingaimi, an hmai chiandeih hmai a lo i tlang cung sazuk bantukin a mar a zaangmi hna kha David sinah ramlak i ralhruang ah khan an va kal.

1 CHANRELNAK 18:17

cun Jehoiada fapa Benaiah cu Khereth mi le Peleth mi hna cung i haotu a si i David fapa hna cu siangpahrang rian ah khuakhangtu upa bik an si.

EXODUS 15:15

Edom bawi hna cu an thin a phang i Moab mi hna lak i an miṭhawng hna cu a ther in an ther; Kanaan ram i a ummi cu an dihlak in an lung a phang.

JOSHUA 15:21

Edom ramri leiah thlanglei bik ah Judah phun i an khua hna cu mah hihi an si: Kabzeel, Eder, Jagur,