2 SAMUEL 23:14 - Lai (Hakha) Common Language Bible 2006

¹⁴ Cu lioah cun David cu ralhruang chungah a um i Filistin ralvengtu ralkapbu cu Bethlehem khua ah an rak um.

2 SAMUEL 23:14 ပူးပေါင်းရင်းမြစ်များ

GENESIS 35:19

Rachel cu a thi i Efrath lei kalnak lam ah khan an vui. Efrath cu Bethlehem ti a si cang.

2 SAMUEL 5:17

Filistin mi nih David kha Israel siangpahrang ah chiti thuh a si cang tiah an theih tikah, Filistin mi vialte nih David kha kawl awkah an hung kal; sihmanhsehlaw mah cucu David nih a theih i ralhruang ah khan a vung kal.

1 CHANRELNAK 12:16

Cun Benjamin mi tlawmpal le Judah mi tlawmpal cu David sinah ralhruang ah khan an ra.

1 SAMUEL 10:5

Cu hnuah cun Filistin ralveng ralkapbu umnak Gibeath-elohim cu na va phan lai; cun cuka ah cun, khua chung i na va luh lioah khin tingtang le khuangte le thonglawi le ruakhuang he khuahrum bo in a rung ṭummi profet bu khat, a holh cukmak len komi, na ton hna lai.

1 SAMUEL 13:23

Cun Filistin mi ralveng ralkapbu cu Mikmash i va lanhnak fiang ah khan an va kal.

1 SAMUEL 13:4

Cun Israel mi vialte nih khan, Saul nih Filistin ralveng ralkapbu kha a tei hna ti le Israel mi cu Filistin mi hna huat kan phor cang ti zong kha an theih. Cun mi hna cu Saul kha Gilgal i hei fonh awkah an auh hna.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

1 SAMUEL 22:1

Cun David cu cuka cun a chuak i Adullam lungkua ah khan a zam; cun a unau hna le a pa innchungkhar vialte nih an theih tikah, khika ah amah sinah cun an vung kal.

1 SAMUEL 24:22

Cun David nih mah cucu Saul sinah chiat in a ser. Khi tikah Saul cu a inn ah a tlung, sihmanhsehlaw David le a mi hna cu ralhau chungah khan an hung kal.