2 SAMUEL 22:46 - Lai (Hakha) Common Language Bible 2006

⁴⁶ Ramdangmi cu an hnabei a dong i An ralhau chung khan ther lengmang in an ra chuak.

2 SAMUEL 22:46 ပူးပေါင်းရင်းမြစ်များ

ISAIAH 2:19

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah, mi cu lungpang tamnak tlang lungkua ah khan an i thup lai, asiloah, vawlei ah khor an i cawh hna lai.

ISAIAH 2:21

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah mi cu lungpang tamnak tlang lungkua hna le khor chungah khan an i thup lai.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

AMOS 9:3

Karmel tlangpar zongah i thup hna hmanh seh law Khika zongah cun ka kawl hna lai i ka char hna lai; Rili a thuhnak hmun ka mit hmuh lonak zongah i thup hna hmanh seh law Khika zongah cun rili chung rulpi kha seh hna tiah ka fial lai.

MIKAH 7:17

Rul bantukin leidip kha liak hna seh law Vawlei i a lawn in a lawnmi thilnung bantukin vawlei kha ei hna seh. Annih nih an ralhau chung khan ther lengmang le phang lengmang in hung chuak hna seh law nangmah cu in ṭih hna seh, Maw Bawipa kan Pathian.

JEIM 1:11

Ni cu a hung chuak i a linhnak nih pangpar kung kha a emh; a par cu a ṭil i aa dawhnak cu a lo. Cu bantukte cun mirummi cu hnahnawk luri ngaiin an rian an ṭuan cuahmah lioah khan an lo ko lai.

1 SAMUEL 14:11

Cucaah an pahnih in Filistin mi ralvengtu ralkapbu sinah cun an hei i langhter; cun Filistin mi hna nih cun, “Zohhmanh u, an i thuhnak kua chungin Hebru mi an chuak cang khi,” tiah an ti.