2 SAMUEL 22:40 - Lai (Hakha) Common Language Bible 2006

⁴⁰ Zeicahtiah raldohnak caah nangmah nih ka tai ah ṭhawnnak na ka sawmh i, A ka chuahhnawhtu kha ka tangah na pilter hna.

2 SAMUEL 22:40 ပူးပေါင်းရင်းမြစ်များ

SALM 109:19

A chiatserhnak bia nih cun amah kha puan bangin men seh law taisawm bangin khimh peng seh.

SALM 144:2

Amah cu a ka hupphengtu lungpi ka ralhruang a si, a fekmi ralvenbuk le himnak hmun a si, kaa bochanmi phaw a si. Miphun dang kha ka ke tangah amah nih a chiah hna.

SALM 18:32

Amah hi a kan ṭhawntertu Pathian cu a si, kan kalnak lam a himtertu cu a si.

SALM 18:39

Raltuknak hmun caah thazang na ka pek i ka ral hna teinak ah ṭhawnnak na ka pek.

SALM 44:5

Na ṭhawnnak in kan ral cu kan tei hna; nangmah nih na kan umpinak thawngin kan ral cu kan tei hna.

ISAIAH 45:5

“Keimah cu Bawipa ka si, Pathian dang an um lo. Nang nih cun na ka hngal lo nain na herhmi thazang kha kan pek lai.

ISAIAH 60:14

Nangmah a rak in hremtu hna an fapale kha an ra ve lai i nangmah cu hmaizahnak pek awkah an kun lai. Hlan i zei ah a rak in rel lomi vialte hna kha na ke hram ah an kun lai. Nangmah cu, ‘Bawipa Khua, Israel Pathian Thiang Khua Zion,’ an in ti lai.

KOLOSE 1:11

Zeizong vialte kha lungsau thinfual in nan in khawh nakhnga, amah thazang chungin a chuakmi thazang nih in ṭhawnter ko hna seh.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

1 SAMUEL 23:5

Cun David le a mi hna cu Keilah ah cun an kal i Filistin mi hna he cun an i tu, cun an saṭil hna kha an lakpiak hna i annih kha tampi an thah hna. Cuticun David nih Keilah khuami hna cu a luatter hna.