2 SAMUEL 22:31 - Lai (Hakha) Common Language Bible 2006

³¹ Hi Pathian hi amah a lam cu ṭhat a tling; Bawipa biakamnak cu a dik taktakmi a si; Amah chung i aa dormi vialte caah amah cu phaw a si.

2 SAMUEL 22:31 ပူးပေါင်းရင်းမြစ်များ

2 SAMUEL 22:3

Ka Pathian, a chung i kaa dornak lungpi, ka phaw le ka khamhnak ki, ka ralhau le ka himnak; Ka khamhtu, nangmah nih zaang-ennak chungin na ka khamh.

NEHEMIAH 9:8

Cun amah cu nangmah sinah zumhawktlak a si kha na hmuh i a tefa hna cu Kanaan mi hna le Hit mi hna le Amor mi hna le Periz mi hna le Jebus mi hna le Girgash mi hna ram kha pek awkah amah sinah khan biakamnak kha na ser; cun nang cu na din caah na biakamnak cu na tlinter.

JOB 34:10

“Cucaah ka bia thei tuah u, nannih hngalhthiamnak a ngeimi hna, Pathian nih cun ṭhat lonak a tuah naisai lai lo i Lianngan Bik nih cun palhnak a tuah naisai lai lo.

SALM 119:140

Zeitluk in dah na biakam cu a hmaan! Zeitluk in dah na sal nih ka duh!

SALM 12:6

Bawipa biakamnak cu zumhawktlak an si; somei chungah voi sarih tiang erletmi ngun tlukin an thiang.

SALM 145:17

Bawipa cu thil a tuahnak paoh ah hin ding tein a tuahmi a si, rian a ṭuannak paoh ah hin zaangfahnak a ngeimi a si.

SALM 18:30

Hi Pathian hi, zeitluk in dah a tuahmi kha a tlin i zeitluk in dah a bia kha i bochan awk an si! A huhphenhnak a kawlmi hna caah cun phaw bantuk a si.

SALM 2:7

“Bawipa nih a chimmi cu ka thanh lai,” tiah siangpahrang nih a ti. Cu a chimmi cu hihi a si: “Bawipa nih a ka thawh i, ‘Nangmah cu ka fapa na si, nihin ni ah hin kan hrin.

SALM 35:2

Na phaw le na ralthuam in i thuam law keimah bawmh ah i thawh tuah.

SALM 84:9

Maw Pathian, kan siangpahrang cu thluachuahnak pe ko, nangmah nih na thimmi siangpahrang cu thluachuahnak pe ko.

SALM 91:4

A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

PHUNGTHLÛKBIA 30:5

Pathian nih biakamnak a sermi paohpaoh cu biatak a si tiah a fiang cang; amah chung i aa dormi hna caah cun amah cu phaw a si.

PHUNGCHIMTU 3:14

Pathian nih a tuahmi paoh cu zungzal in a hmun ti kha ka hngalh; zeihmanh chap khawh an si lo i zeihmanh zuh khawh zong an si lo; minung nih a hmaiah ṭihnak a ngeih nakhnga Pathian nih cu bantuk cun a tuah.

DANIEL 4:34

Caan tinhmi cu a tlin dih tikah keimah Nebukhadnezzar nih van lei khi ka hun zoh i ka lungthin kel ah khan ka kir ṭhan. Cung Nung Bik cu ka conglawmh i Zungzal Hmunmi Pathian cu ka hlorh i ka thangṭhat: Bawi a sinak cu a dong bal lo i a uknak cu chan vialte tiangin a hmun;

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!