2 SAMUEL 22:25 - Lai (Hakha) Common Language Bible 2006

²⁵ Cucaah Bawipa nih ka dinnak ningin a ka lehrulh, Amah mit hmuh i ka thiannak ningin.

2 SAMUEL 22:25 ပူးပေါင်းရင်းမြစ်များ

2 SAMUEL 22:21

Bawipa nih ka dinnak ningin laksawng a ka pek; Ka kut hna an thianning in a ka lehrulh.

1 SIANGPAHRANG 3:6

Cun Solomon nih, “Nangmah nih ka pa David cu zumhawktlak in le dinnak in le nangmah lei i lungthin ding ngeihnak in na hmaiah a um caah, a ngan le a fekmi dawtnak cu na hmuhsak cang; cun hi a ngan i a fekmi dawtnak cu na chiahpiak i nihin i a bawi ṭhutdan cung i a ṭhu dingah fapa pakhat na pek.

PHUNGTHLÛKBIA 11:31

Miding hna nih vawlei cungah hin an hmuh awk hnga kha an hmuh ahcun miṭhalo hna le misual hna nih cun zeitluk in dah an hmuh chinchin lai.

PHUNGTHLÛKBIA 5:21

Zeicahtiah mi nih a zulhmi a lam vialte cu Bawipa nih a hmuh dih ko i Bawipa nih cun a lam vialte cu a zoh dih ko.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

2 KORIN 5:10

Kannih cu kan dihlak in Khrih hmaiah kan chuak lai i amah nih bia a kan ceih lai. Kan pum in kan nun chung i a ṭha siseh, a chia siseh kan tuahning cio ah kannih nih kan hmuh lai.

1 SAMUEL 26:23

Bawipa nih mi zeipaoh kha a dinnak ca le zumhawktlak a sinak caah laksawng a pek cio hna; zeitintiah Bawipa nih nangmah cu nihin ah ka kut chungah an pek, asinain Bawipa chiti thuhmi cungah khan ka kut ka samh duh lo.