2 SAMUEL 22:11 - Lai (Hakha) Common Language Bible 2006

¹¹ Cherub aa cit i a zuang; Thli thla cungah khan amah cu an hmuh.

2 SAMUEL 22:11 ပူးပေါင်းရင်းမြစ်များ

GENESIS 3:24

Pathian nih mipa cu a chuah i Eden dum nichuahlei kamah khan cherubim vancungmi hna le zei ti lei paoh i aa mer khomi mei vainam kha a chiah hna. Annih nih cun nunnak thingkung kha ahohmanh nih naih kho hna hlah seh tiah an cawngh.

2 SAMUEL 6:2

Cun David cu a tho i a sinah a ummi vialte hna he khan, Pathian kuang, a cungah ralkapbu Bawipa min a cuang i cherubim cung i a ṭhumi kha, vung lak awkah Judah ram Baalah khua ah khan an vung kal.

SALM 104:3

cunglei i a ummi ti cungah khin na inn cu na sak. Khuadawm cu rangleng ah na hman hna i thlitu cu an thla cung cit awkah na hman hna.

SALM 139:9

Nichuahlei ha khin lo diam in hei zuang hnik ning law, asiloah nitlaklei a hlatnak bik hmun zongah khin hei um hnik ning law,

SALM 18:10

Cherubim kha aa cit hna i a rung zuang, thlitu kha a thla in aa cit i khulrang in a choi.

SALM 68:17

A ṭhawngmi a rangleng thong tampi he Bawipa cu Sinai Tlang in a ra i a hmunthiang ah cun a lut.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

SALM 99:1

Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

EXODUS 25:19

khattelei dongh ah pakhat, khattelei dongh ah pakhat na chiah hna lai. A chin he i seng citcet tein na ser hna lai.

EZEKIEL 9:3

Cun cherubim cung khan Israel Pathian sunparnak cu a tho. Biakinn tual ah khan a ra i puan hmangṭhia aa aih i a tai ah cafung le cahang a ngeimipa kha a kawh i,

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

1 SAMUEL 4:4

Cucaah Shiloh ah mi an hei thlah hna i cherubim karlak i a ummi ralkapbu Bawipa biakamnak kuang cu khika in an rak put; cun Eli fapa pahnih Hofni le Phinehas hna kha Pathian biakamnak kuang sinah cun an rak um.