2 SAMUEL 21:17 - Lai (Hakha) Common Language Bible 2006

¹⁷ Sihmanhsehlaw Zeruiah fapa Abishai nih khan amah cu a ra zuanhnawh i Filistin mi kha a tuk i a thah. Khi tikah David cu a mi hna nih khan, “Raltuknak hmun ah kan sinah na kal ti lai lo, Israel mei inn kha na hmih sual hnga,” tiin amah cu chiat an serter.

2 SAMUEL 21:17 ပူးပေါင်းရင်းမြစ်များ

2 SAMUEL 14:7

Cun atu cu an innchungkhar ningin na salnu hi an ka thawhhnawh i, ‘A thahmi a unaupa nunnak a lak ruangah khan amah cu kan thah nakhnga, a unaupa a tutu kha hun chuah tuah,’ tiah an ka ti. Cuticun rocotu ding zong kha hrawh an duh. Cu bantukin annih nih ka meiṭil a tangmi cu hmih an duh i ka vapa caah hi vawlei cungah hin min siseh, a tangmi siseh, zeihmanh nganh an duh lo,” tiah a ti.

2 SAMUEL 18:2

Cun David nih ralkapbu cu a thlah hna, cheu thum cheu khat cu Joab nih a hrui hna, cun cheu thum cheu khat nolh cu Zeruiah fapa Joab unau Abishai nih khan a hrui hna i a dang cheu thum cheu khat cu Git mi Ittai nih khan a hrui hna. Cun siangpahrang nih mi cu a thawh hna i, “Keimah hrimhrim zong nan sinah ka kal ve lai,” tiah a ti.

2 SAMUEL 18:3

Sihmanhsehlaw mi nih cun an thawh i, “Na kal hnga lo, zeicahtiah kannih cu kan zam a si zongah an zei a poi lai lo. Hnarcheu kan thih zongah an zei a poi hlei lai lo. Sihmanhsehlaw nang cu kanmah thong hra tluk na si; cucaah khua chungin bawmhnak na kan pek ahcun a ṭha deuh lai,” tiah an ti.

2 SAMUEL 22:19

Ka vanchiat ni ah an ka chuahhnawh; Sihmanhsehlaw Bawipa cu ka cherhchan a si.

2 SAMUEL 22:29

Asi, nangmah cu ka mei inn na si, maw Bawipa, Cun ka Pathian nih ka muihnak kha a ceuter.

1 SIANGPAHRANG 11:36

Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

1 SIANGPAHRANG 15:4

Sihmanhsehlaw David ruangah, Bawipa a Pathian nih Jerusalem khua ah meiinn pakhat a pek, amah hnuah a fapa cu a hun thawhter i Jerusalem kha a fehter;

SALM 132:17

Hika hmun ah hin Siangpahrang David tefa pakhat cu siangpahrang ngan pakhat ah ka ser lai, hika hmun ah hin ka thimmi siangpahrang uknak cu ka hmunhter lai.

SALM 144:10

Siangpahrang cu teinak kha na pek hna i na sal David cu na khamh.

SALM 46:1

Pathian cu kan i dornak le kan thazang a si, harnak caan ah a kan bawm zungzaltu a si.

JEREMIAH 40:15

Cun Kareah fapa Johanan nih Gedaliah cu a thli tein a thawh i, “Va kal ning law ahohmanh hngalh loin Nathaniah fapa Ishmael cu va that ning. Zeicahdah nangmah cu naa thahter lai i nangmah sinah aa pummi Judah mi vialte cu ṭhek dih kan si lai i Judah mi a tangmi cu hrawh a si lai?” tiah a ti.

JOHAN 5:35

Johan cu meiinn bantuk a si; a alh i a ceu i caan khatte cu a ceunak nih cun nan tha an nuamter hna.