2 SAMUEL 21:10 - Lai (Hakha) Common Language Bible 2006

¹⁰ Cun Aiah fanu Rizpah nih buri puan a lak hna i rawl ṭuan domh ka in ruahpi nih van in a run surh hna tiang lung cungah khan aa zarh hna i an cungah cun van i a zuangmi va si hna seh, zan ah a vakmi ramlak saram si hna seh, a ratter hna lo.

2 SAMUEL 21:10 ပူးပေါင်းရင်းမြစ်များ

GENESIS 40:19

ni thum chungah Faro nih an chuah lai i na lu an tan lai. Cun na ruak kha thingkung ah a thlai lai i va nih na sa kha an ei lai,” a ti.

2 SAMUEL 21:11

Cun David kha Aiah fanu Rizpah, Saul nupichun nih, a tuahmi kha an chimh. Cu tikah

2 SAMUEL 3:7

Saul nih khan nuchun pakhat a rak ngei i a min cu Rizpah a si, amah cu Aiah fanu a si; cun Ishbosheth nih khan Abner cu, “Zeicahdah ka pa nuchun sinah khan na vung luh?” tiah a ti.

1 SIANGPAHRANG 21:27

Cun mah bia cu Ahab nih a theih tikah, a puan kha a thleh hna i a tak cungah puanchia aa hruk i rawl a ul i lungpur ngaiin aa chawk.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

EZEKIEL 39:4

Khika ah, Israel tlang cungah cun, nangmah le na ralkap vialte le nangmah sin i a ṭangmi vialte hna kha, nan thi dih lai; sa ei hmang va le ramlak sahrang hna rawl ah kan ser hna lai.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

JOEL 1:18

Rawl a ṭammi tuu hna le caw hna cu heh tiah an awn! Saṭil run cu kalnak hngal loin an um, Zeicahtiah an caah ramhring a um ti lo. Tuurun zong nih khan an in ve.

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

ZEKHARIAH 10:1

Bawipa cu fur caan ah ruah hal u law ṭhal caan ah ruah hal tuah u, Ṭotho khuadawm a sertu Bawipa nih nannih cu ruah kha an pek hna lai i Nan lo cio ah ramhring kha an pek hna lai;

DEUTERONOMI 11:14

nannih nih nan rawl le nan mitsur hang le nan chiti kha nan pumhkhawmh khawh hna nakhnga, nan ram caah ruah cu anmah caan te cio ah, tuan deuh ruah le tlai deuh ruah hna cu, an pek hna lai.

DEUTERONOMI 21:13

Cun saltang a sinak puan kha a hlawt lai i na inn chungah a um lai i thla khat pumte a nu le a pa kha a ngaih hna lai; cu hnuah cun na ihpi lai i a va na si lai i na nupi a si lai.

DEUTERONOMI 21:22

“Cun mi pakhatkhat nih thihnak tlak sualnak a tuah i nan thah i thingkung cungah nan thlai ahcun,

DEUTERONOMI 21:23

a ruak cu thingkung cungah cun zan khuadei in a um lai lo, sihmanhsehlaw cu ni lila ah cun nan phum lai, zeitintiah thlaimi cu Pathian chiatserhmi a si; ro caah Bawipa nan Pathian nih an pekmi hna nan ram cu nan thurhhnawmh lai lo.

1 SAMUEL 17:44

Filistin mipa nih cun David cu, “Ka sinah ra tuah, na sa kha van i a zuangmi va hna le vawlei i a ummi saram hna ka pek hna lai,” tiah a ti.

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le