2 SAMUEL 20:9 - Lai (Hakha) Common Language Bible 2006

⁹ Cun Joab nih Amasa cu a thawh i, “Na dam maw ka nau?” tiah a ti. Cun Joab nih Amasa cu hnamh awkah a orhlei kut in a khahmul in a tlaih.

2 SAMUEL 20:9 ပူးပေါင်းရင်းမြစ်များ

2 SAMUEL 15:5

Cun amah cu upatnak pek awk i mi nih an hei fuh tikah khan, a kut a rak i chuah i a rak hnamh lengmang hna.

2 SAMUEL 17:25

Cun Absalom nih Joab hmun ah khan Amasa kha ralkapbu haotu ah a chiah. Amasa cu Ishmael mi a min Ithra a simi fapa a si; Ithra nih cun Abigail kha a ṭhit; Abigail cu Joab nu Zeruiah i a unau Nahash fanu kha a si.

2 SAMUEL 18:29

Cun siangpahrang nih cun, “Tlangval Absalom cu a dam maw?” tiah a ti. Ahimaaz nih, “Joab nih na sal hi a ka thlah lioah cun thil aa tuai ur ko kha ka hmuh i sihmanhsehlaw zei a si cu ka hngal lo,” tiah a ti.

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

1 SIANGPAHRANG 2:32

Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

PHUNGTHLÛKBIA 26:23

Hmurka thlum i lungthin ṭha ṭung lo cu, tlak-um cung i nalhmi sinal bantuk a si.

PHUNGTHLÛKBIA 27:6

Kan hawikom nih cun an kan hliam sual hmanh ah kan ca i ṭhatnak an duh ruangah a si, sihmanhsehlaw ral nih an kan hnamh cu leirawi duh ah a si.

JEREMIAH 41:2

Nethaniah fapa Ishmael le mi pahra hna nih cun Safan fapa Ahikam i fapa Gedaliah, Babilon siangpahrang nih ram uktu bawi ah a sermi cu an thawhhnawh i vainam in an thah.

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

BIACEIHTU 3:15

Sihmanhsehlaw Israel mi nih Bawipa kha an auh tikah annih cu Bawipa nih cun chuahtu pakhat a serpiak hna, Benjamin phun Gera fapa Ehud, kehtlak kha a si. Israel mi nih amah cu Moab siangpahrang Eglon sinah ngunkhuai an phorhter.