2 SAMUEL 20:6 - Lai (Hakha) Common Language Bible 2006

⁶ Cun David nih Abishai kha a thawh i, “Bikhri fapa Sheba nih hin Absalom nakkhan harnak tam deuh a kan pek lai; na bawipa ka sinum hna hi i kalpi hna law va dawi, cu ti a si lo ahcun, kulhmi khua hawi hna ah a lut lai i harnak a kan pek sual lai,” tiah a ti.

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Cun Ammon mi hna nih Siria mi an zam ti an hmuh tikah annih zong, cu bantukin Abishai hmai khan an zam ve i khua chungah khan an lut. Cun Joab cu Ammon mi he i tuknak khan a kir i Jerusalem ah a tlung.

2 SAMUEL 11:11

Cun Uriah nih David cu, “Israel le Judah le kuang cu thlam chungah an um i ka bawipa Joab le ka bawipa i a sal hna cu ramlak ah an riak ko; cu ti a si ko lioah cun maw, va ei va din awk le ka nupi he va um awkah, ka inn ah cun ka vung kal hnga? Nangmah na nun bantuk le na nunnak a nun bantukin, mah cucu ka tuah lai lo,” tiah a ti.

2 SAMUEL 18:12

Sihmanhsehlaw mipa nih cun Joab kha a thawh i, “Tangka thong khat hmanh ka kut ah humh si ning law, siangpahrang fapa cungah cun ka kut ka samh bal hnga lo; zeitintiah ka theih hngan ah pei siangpahrang nih nangmah le Abishai le Ittai kha, ‘Tlangvalpa Absalom cu keimah ruangah va huppheng tuah u,’ an ti hna kha.

2 SAMUEL 18:2

Cun David nih ralkapbu cu a thlah hna, cheu thum cheu khat cu Joab nih a hrui hna, cun cheu thum cheu khat nolh cu Zeruiah fapa Joab unau Abishai nih khan a hrui hna i a dang cheu thum cheu khat cu Git mi Ittai nih khan a hrui hna. Cun siangpahrang nih mi cu a thawh hna i, “Keimah hrimhrim zong nan sinah ka kal ve lai,” tiah a ti.

2 SAMUEL 19:7

Cucaah atu ah tho law, na sinum hna sinah khan nem tein va chim tuah; zeitintiah Bawipa min chalh in chiat ka ser, na kal lo ahcun, mi pakhat hmanh tuzan ah hin na sinah an um lai lo; cun na tlanval ri in atu tiangah an tlunhnawhtu ṭhat lonak vialte nakkhan mah hihi na caah a ṭha lo deuh lai,” tiah a ti.

2 SAMUEL 2:18

Cun khika ah Zeruiah fapa pathum, Joab, Abishai le Asahel hna kha an um ve. Asahel cu ramlak sazuk bangin a mumi a si;

2 SAMUEL 21:17

Sihmanhsehlaw Zeruiah fapa Abishai nih khan amah cu a ra zuanhnawh i Filistin mi kha a tuk i a thah. Khi tikah David cu a mi hna nih khan, “Raltuknak hmun ah kan sinah na kal ti lai lo, Israel mei inn kha na hmih sual hnga,” tiin amah cu chiat an serter.

2 SAMUEL 23:18

Cun Joab unau Abishai (an nu cu Zeruiah a si) kha sawm thum hna lak i an haotu bik cu a si. Cun mi za thum kha fei in a thah hna i pathum hna sinah khan a thang aa chuah ve.

2 SAMUEL 3:30

Cuticun Joab le a unau Abishai nih Abner kha an thah, zeicahtiah amah nih khan Gibeon i raltuknak hmun ah khan an unau Asahel kha a rak thah.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

1 SIANGPAHRANG 1:33

Cun siangpahrang nih annih cu, “Nan bawipa sinum hna kha i kalpi hna u law, ka fapa Solomon cu keimah laa cungah khan citter u law, Gihon ah runpi u;

1 CHANRELNAK 11:20

Cun Joab unau Abishai kha sawm thum hna lak i haotu bik cu a si. Cun mi za thum hna cungah fei a hman i a thah hna i pathum hna sinah khan a thang aa chuah ve.

1 CHANRELNAK 18:12

Cun Zeruiah fapa Abishai nih khan Cite Nelrawn ah Edom mi sang khat le thong riat a thah hna.

JEREMIAH 8:14

Zeicahdah nan ṭhut sawhsawh ko? Hmunkhatte ah nan dihlak in tho tuah u, Kulhnak hau a ngei mi kan khua hna ah khan va kal u si law Khika ah khan va thi dih hna u sih; Zeicahtiah Bawipa cungah kan sual caah, Bawipa kan Pathian nih hrawh awkah a kan ruah cang i Sivai paihmi ti kha din awkah a kan pek cang.

MARKA 3:24

Ram pakhatkhat cu a bubu in aa ṭhen i anmah le anmah kha an i doh ahcun, zeitindah cu ram cu a dir khawh lai?

1 SAMUEL 26:6

Cun David nih Hit mi Ahimelek le Joab unau Abishai, Zeruiah fapa, sinah khan, “Ahodah riahhmun chungah khin, Saul sinah khin, a vun ka zul lai?” tiah a ti. Cun Abishai nih, “Keimah nih kan zulh lai,” tiah a ti.