2 SAMUEL 20:22 - Lai (Hakha) Common Language Bible 2006

²² Cun minu cu a fimnak in mi vialte sinah khan a kal. Cun Bikhri fapa Sheba kha a lu an tan i Joab sinah khan an hei hlonh. Cucaah muko kha a tum i khua khan an ṭiao dih, anmah le an inn cio ah an kal. Cun Joab cu Jerusalem ah siangpahrang sinah khan a kir ṭhan.

2 SAMUEL 20:22 ပူးပေါင်းရင်းမြစ်များ

2 SAMUEL 18:16

Khi tikah Joab nih muko kha a tum i Israel mi a dawitu hna ralkap kha an ra kir; zeicahtiah Joab nih a thlauh hna.

2 SAMUEL 18:17

Cun Absalom kha an lak i tupi chung i khor nganpi pakhat ah an thlak i a cungah cun lungpumh nganpi pakhat an pumh; cun Israel mi vialte cu anmah le an inn cio ah khan an zam dih.

2 SAMUEL 2:28

Cucaah Joab nih muko kha a tum i mi vialte nih khan Israel mi hna dawi kha an ngol i a tuk zong an i tu ti lo.

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

2 SAMUEL 20:16

Cun a fim minu pakhat nih khua chung cun, “Hei! hei! Joab kha, ‘Hika ah hin ra law bia kan chimh lai,’ a ti tiah hei chim u,” tiah a ti.

PHUNGCHIMTU 7:19

Uktu pahra nih khua pakhat caah ṭhatnak an tuahmi nakin fimnak nih minung pakhat caah a tuahmi cu a tam deuh.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.