2 SAMUEL 20:2 - Lai (Hakha) Common Language Bible 2006

² Cucaah Israel mi vialte nih cun David zulh kha an ngol i Bikhri fapa Sheba kha an zulh; sihmanhsehlaw Judah mi hna nih khan cun an siangpahrang kha fek tein Jordan tiva in Jerusalem khua tiang an zulh.

2 SAMUEL 20:2 ပူးပေါင်းရင်းမြစ်များ

2 SAMUEL 19:15

Cucaah siangpahrang cu Jordan ah khan a ra kir i siangpahrang cu va don awk le siangpahrang cu Jordan tiva tanpi awkah Judah mi cu Gilgal ah an kal.

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

2 SAMUEL 20:21

Cu bantuk cu a si ṭung lo. Efraim tlangram mi pakhat a min Sheba a simi Bikhri fapa nih Siangpahrang David doh awkah a kut a hler i pei a si ko cu; amah cu kan pe u law, khua cu kan kaltak ko lai,” tiah a ti. Cun minu nih khan Joab sinah cun, “Zohhmanh, a lu cu vampang in na sinah kan run thlak lai,” tiah a ti.

2 SAMUEL 20:3

Cun David cu Jerusalem khua i a inn kha a phan i inn rak zohkhenh awkah a chiahtakmi nuchun pahra hna kha a lak hna i cawnghmi inn pakhat ah a chiah hna i a cawm hna, sihmanhsehlaw a va luhhnawh hna lo. Cucaah annih cu cuka ah cun an khumh hna i nuhmei bantukin an thih ni tiang an um.

1 SIANGPAHRANG 12:20

Cun Israel mi vialte nih Jeroboam kha a kir ṭhan cang, tiah an theih tikah, an i pumhnak ah khan an hei cah i an kawh i Israel mi vialte cung siangpahrang ah an ser. Judah phun lawnglawng dah ti lo cu, David innchungkhar a zulmi cu ahohmanh an um lo.

2 CHANRELNAK 10:17

Sihmanhsehlaw Judah ram khua chung i a ummi Israel mi kha cu Rehoboam nih a uk hna.

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

PHUNGTHLÛKBIA 17:14

Sik hram i thawk hi ti khamnak a pem hramthawk bantuk khi a si. A kauh chin hlanah ngol ko.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.