2 SAMUEL 20:19 - Lai (Hakha) Common Language Bible 2006

¹⁹ Keimah hi Israel mi hna lak i daihnak a duhmi le zumhawktlak a simi pakhat ka si ve; nannih nih Israel chung i nu can a simi khua kha hrawh nan i tim; zeicahdah Bawipa ro cu nan dolh lai,” tiah a ti.

2 SAMUEL 20:19 ပူးပေါင်းရင်းမြစ်များ

GENESIS 18:23

Abraham nih Bawipa cu a hei naih i, “A sual lomi cu a sualmi hna sinah na thah chih taktak ko hna lai maw?

2 SAMUEL 14:16

Zeitintiah siangpahrang nih cun a theih lai i, Pathian ro chungin keimah le ka fapa a ka hrawk hnga dingmi kut chungin a salnu cu a ka luatter lai,’ tiah ka ruah.

2 SAMUEL 17:16

Cucaah khulrang in mi hei thlah hna u law David cu, ‘Tuzan ah ramlak i ti tannak hmun ah khan rak riak hlah, zeiti a si hmanh ah na rak lan lai; cu ti a si lo ahcun siangpahrang le a sin i a ummi vialte cu dolh nan si sual lai,’ tiah va chim u,” tiah a ti hna.

2 SAMUEL 20:18

Cun anih nih a thawh i, “Hlan lioah cun, ‘Abel khua ah cun lungthin lawng i hal hna seh,’ tiah an rak ti tawn i cuticun bia kha an rak donghter tawn.

2 SAMUEL 20:20

Joab nih a leh i, “Cuticun a si hrimhrim lo, dolh ka tim lo i hrawh zong ka tim naisai lo!

2 SAMUEL 21:3

Cun David nih Gibeon mi cu a thawh hna i, “Zeidah kan tuahpiak hna lai? Cun nannih nih Bawipa ro kha thluachuah nan pek naklai kei nih zeitindah sual thianhnak kha ka tuah lai?” tiah a ti.

1 SIANGPAHRANG 8:53

Zeitintiah maw Bawipa, Pathian, nangmah nih kan pupa hna Izipt ram chungin na chuahpi hna tikah na sal Moses sinin na rak thanh cang bantuk khan, na ro si awkah vawleicung mi vialte hna lakin na rak thleidan cang hna,” tiah a ti.

SALM 106:5

Na mi hna an ṭhancho cu ka hmuhter law na miphun an i lawmhnak ah cun ka telter ve, nangmah ta a simi hna an hmaihngalnak ah cun kei zong ka hmai ka hngalter ve.

SALM 124:3

kan nung in an kan dolh dih hnga, an thinhun ling ah khan an rak kan dolh dih hnga.

SALM 33:12

An Pathian ah Bawipa a simi miphun cu lunglawmmi miphun an si, Bawipa nih a mi ah a thimmi hna cu lunglawmmi an si.

SALM 78:71

Amah cu Israel siangpahrang ah a ser, Pathian mi hna tuukhal ah a ser.

JEREMIAH 51:34

Zion i a ummi hna nih, Babilon siangpahrang Nebukhadnezzar nih a kan ei i car dihlak in a kan dawp, Um lawng bantukin a kan toh. Rulpi bangin a kan dolh, Kan sa thawthaw in a paw cu a khahter i a kan luak.

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

ṬAHNAK HLA 2:16

Na ral vialte hna nih khan an in nihsawh: An in cekcekhnawh i an hacang an in rial hnawh i, Aa, hika hi kan phan cang, Hi ni hi pei kan rak ngan lengmangmi kha a si cu; Kan hmuh taktak cang hi ta,’ an ti.

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

ṬAHNAK HLA 2:5

Bawipa cu ral bantuk ah a cang cang i Israel cu a hrawh cang; An inn sangsang hna cu a hrawh hna i An ralhruang hna cu a chimh dih hna; Judah fanu cungah ngaihchiatnak kha, A chonh chin luaimai ko.

NAMBAR 16:32

vawlei nih a kaa a an i anmah le an innchungkhar hna le Korah mi vialte le an thilri vialte kha a dolh dih hna.

NAMBAR 26:10

vawlei nih khan a ka a an i Korah he khan hmunkhat ah a dolh hna i, mei i minung za hnih le sawm nga a kangh hna tikah khan cu bu cu a thi; annih cu ralrinnak ah an cang.

1 KORIN 15:54

Cun a rawk khomi nih a rawk kho lomi aa hruk i a thi khomi nih thih khawh lonak aa hruk tikah cun, Cathiang nih, “Thihnak cu hrawh a si cang, teinak cu a tling cang,” a timi kha a tling lai.

2 KORIN 5:4

Hi vawlei cung thlam chung i kan um lioah hin cun hremnak ing lengmang in kan hrum kan ai; hi vawlei cung pum hi hlawt kan duh ti a si lo, sihmanhsehlaw vancung pum kha hun kan hruk hna seh law ti kha kan duh i thih thiammi hi nunnak nih dolh seh law ti kha kan duh.

DEUTERONOMI 20:10

“Doh awkah khua nan hei naih tikah remnak kha nan pek hmasa hna lai.

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.

1TIMOTE 2:2

daite le remte le Pathian ṭihzah le ziaza ṭha in kan nun khawh nakhnga, thlacam u sih.

BIACEIHTU 5:7

Israel chungah khuate mi hna cu an king cang, Nangmah, Deborah nih, Israel chungah nu bangin na thawh hlantiang cu an king ko.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

1 SAMUEL 26:19

Cucaah ka bawipa siangpahrang nih hin a salpa ka bia hi ka ngaihpiak tuah seh. Keimah doh awkah an forhtu hi Bawipa a si ahcun, pekchanhnak hi cohlang ko seh; sihmanhsehlaw minung an si ahcun, BAWIPA hmaiah chiat si ko hna seh, zeitintiah annih nih nihin ah hin Bawipa ro chungah covo ka ngeih nakhnga lo an ka dawi i, ‘Va kal law, pathian dang kha va bia hna,’ an ka ti.