2 SAMUEL 20:12 - Lai (Hakha) Common Language Bible 2006

¹² Cun Amasa cu lamkalai ah cun a thi ah khan aa bual ko. Cun a rami kip nih khan an hmuh tikah an dir; cun mipa nih khan mi vialte an dir kha a hmuh tikah Amasa cu lam khan ramlak ah a ṭhial i puan a khuh.

2 SAMUEL 20:12 ပူးပေါင်းရင်းမြစ်များ

2 SAMUEL 17:25

Cun Absalom nih Joab hmun ah khan Amasa kha ralkapbu haotu ah a chiah. Amasa cu Ishmael mi a min Ithra a simi fapa a si; Ithra nih cun Abigail kha a ṭhit; Abigail cu Joab nu Zeruiah i a unau Nahash fanu kha a si.

2 SAMUEL 2:23

Sihmanhsehlaw i mer kha a duh hlei lo; cucaah Abner nih a paw ah a fei chek in a chunh i a kenglei ah a tleng; khika ah khan a tlu i a thi colh. Cun Asahel a tluk i a thihnak hmun a phanmi paoh kha cuka ah cun an dir colh lengmang.

2 SAMUEL 20:11

Cun Joab mi pakhat kha Amasa pawngah khan a dir i, “Joab lei a ṭangmi le David lei i a ṭangmi paoh, Joab zul u,” tiah a ti.

2 SAMUEL 20:13

Lam in ṭhial a si hnuah cun, Bikhri fapa Sheba kha dawi awkah Joab kha mi vialte nih khan an zulh.

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

SALM 9:16

Ding tein bia a ceihnak ah khan Bawipa cu amah le amah aa phuang i miṭhalo hna cu anmah tuahnak lila ah khan an i foih. Higgaion. Selah