2 SAMUEL 2:27 - Lai (Hakha) Common Language Bible 2006

²⁷ Cun Joab nih, “Pathian a nun bangin, nangmah nih cu bantukin chim hlah law cu, ka mi hna nih hin thaizing tiangin an in dawi peng ko hna hnga,” tiah a ti.

2 SAMUEL 2:27 ပူးပေါင်းရင်းမြစ်များ

2 SAMUEL 2:14

Cun Abner nih Joab cu, “Tlangval pawl hi tho hna seh law kan hmaiah lente i celh tuah hna seh,” tiah a ti. Joab nih, “Tho hna ngat seh,” tiah a ti.

2 SAMUEL 2:26

Cun Abner nih Joab kha a hei auh i, “Zungzal in maw mah le mah hi kan i doh ko lai! A donghnak cu a fak lai tiah na hngal ko lo maw? Na mi hna cu, nan unau hna dawi hi ngol cang u, tiah zeitik ah dah na ti hna lai,” tiah a ti.

2 SAMUEL 2:28

Cucaah Joab nih muko kha a tum i mi vialte nih khan Israel mi hna dawi kha an ngol i a tuk zong an i tu ti lo.

JOB 27:2

“Dinnak a ka phaw duh lo i lungretheihnak in a ka khahtertu Lianngan Bik Pathian min in chiat ka ser:

PHUNGTHLÛKBIA 15:1

Lehnak nem nih thinhunnak a damter, sihmanhsehlaw biahrang nih cun thin a phawh.

PHUNGTHLÛKBIA 17:14

Sik hram i thawk hi ti khamnak a pem hramthawk bantuk khi a si. A kauh chin hlanah ngol ko.

PHUNGTHLÛKBIA 20:18

Lungthin i cheuhnak in khuakhanmi kha a hmun, i timh ciammam loin raltuknak hmun chungah lut cutmat hlah.

PHUNGTHLÛKBIA 25:8

Na mit nih a hmuhmi kha khulrang in zung ah chuahpi hlah, Zeicahtiah tehte dang nih na palhnak kha a hnuah a langhter khawh ahcun zeitindah na um lai?

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.

1 SAMUEL 25:26

Cucaah cun ka bawipa, Bawipa a nun bantuk le na nunnak a nun bantukin, thisen chuah mawhnak le nangmah nih na kut hrimhrim in phuhlam tuahnak kha Bawipa nih tuah loin an umter caah, na ral hna le ka bawipa cungah ṭhat lonak tuah awk a kawlmi hna cu Nabal bantuk si ko hna seh.