2 SAMUEL 2:26 - Lai (Hakha) Common Language Bible 2006

²⁶ Cun Abner nih Joab kha a hei auh i, “Zungzal in maw mah le mah hi kan i doh ko lai! A donghnak cu a fak lai tiah na hngal ko lo maw? Na mi hna cu, nan unau hna dawi hi ngol cang u, tiah zeitik ah dah na ti hna lai,” tiah a ti.

2 SAMUEL 2:26 ပူးပေါင်းရင်းမြစ်များ

2 SAMUEL 11:25

David nih zualko sinah cun, “Hi bangin Joab sinah cun, ‘Hi thil hi na lungre i theihter hlah, zeicahtiah vainam nih cun atu ah pakhat, cun a hnuah a dang pakhat tiin pei a thah phung a si ko cu; khua na dohnak cu ṭhawnter chin law hrawk dih tuah,’ a ti tiah na va chim lai. Cun amah cu thazang na va pek lai,” tiah a ti.

2 SAMUEL 2:14

Cun Abner nih Joab cu, “Tlangval pawl hi tho hna seh law kan hmaiah lente i celh tuah hna seh,” tiah a ti. Joab nih, “Tho hna ngat seh,” tiah a ti.

2 SAMUEL 2:16

Cun pakhat le pakhat, anmah le an ral cio kha, an lu in an i tlai i an hnak ah nam in an i chun i hmun khat ah an tlu hna. Cucaah cuka hmun cu Helkath-hazzurim tiah ti a si, Gibeon ah a um.

2 SAMUEL 2:25

Cun Benjamin mi kha Abner sinah cun an i pum i bu khat ah an cang i tlangpar ah khan dirhmun an khuar.

2 SAMUEL 2:27

Cun Joab nih, “Pathian a nun bangin, nangmah nih cu bantukin chim hlah law cu, ka mi hna nih hin thaizing tiangin an in dawi peng ko hna hnga,” tiah a ti.

JOB 18:2

“Zei can dah bia cu na kawl rih lai? Ruat hmanh law kannih nih kan chim lai.

JOB 19:2

“Zei can dah bia in nan ka hrem lai i nan ka tongh lai?

SALM 4:2

Nannih minung hna, zei can dah na ka serhsat lai? Zei can dah santlailo thil kha nan duh lai i lihbia kha nan dawi lai? Selah

PHUNGTHLÛKBIA 17:14

Sik hram i thawk hi ti khamnak a pem hramthawk bantuk khi a si. A kauh chin hlanah ngol ko.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim,” a ti.

JEREMIAH 12:12

Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 4:21

Zei can dah alan cu thlai a si kha ka hmuh peng ko lai i Muko aw thawng cu ka theih lai?

JEREMIAH 46:10

Hi ni cu Bawipa, Ralkapbu Pathian ni a si, phuhlam ni a si, A ral hna cung i phu aa hlam ni cu a si. Vainam nih a ei hna lai i a duhnak a riam lai, An thi cu a ri lai. Zeicahtiah Bawipa, Ralkapbu Pathian nih chaklei ram ah Zufrates tiva kamah raithawinak kha a tuah.

JEREMIAH 46:14

“Izipt ah vung thanh u law Migdol ah aupi tuah u, Memfis le Tahpanhes ah cun thanh tuah u; ‘Dir law timh cia tein um tuah, Zeicahtiah vainam nih na pawngkam cu a ei lai,’ tiah chim u.

HOSEA 11:6

Ral nih an khua kha an lak dih hna lai i khua kutka hrenhnak thingtluan hna cu an khiah dih hna lai. Lungthin cheuhnak ṭhalo kha ka mi nih an zulh caah ral nih cun an hrawh dih hna lai.

LAMKALTU 7:26

A thaizing ah Israel mi pahnih an i velh kha a hmuh hna i an karlak i remnak ser kha aa zuam. A thawh hna i, “Ka duale hna, ka bia hi ngai tuah u, nannih cu u le nau pei nan si cu, zeicahdah pakhat le pakhat nan i velh?” tiah a ti hna.