2 SAMUEL 2:23 - Lai (Hakha) Common Language Bible 2006

²³ Sihmanhsehlaw i mer kha a duh hlei lo; cucaah Abner nih a paw ah a fei chek in a chunh i a kenglei ah a tleng; khika ah khan a tlu i a thi colh. Cun Asahel a tluk i a thihnak hmun a phanmi paoh kha cuka ah cun an dir colh lengmang.

2 SAMUEL 2:23 ပူးပေါင်းရင်းမြစ်များ

2 SAMUEL 2:24

Sihmanhsehlaw Joab le Abishai nih Abner kha an dawi; cun ni tla zuarzar ah khin Gibeon ramlak lei kalnak lam i a ummi Giah khua, cu khua hmai i a ummi Ammah tlang kha an phan.

2 SAMUEL 20:10

Sihmanhsehlaw Amasa nih Joab kut i nam kha a ngia lo; cucaah Joab nih nam cun a pum ah a sawh i voi hnih nolh ṭhan ti loin a ril cu vawlei ah a tla i a thi. Cun Joab le a nau Abishai nih khan Bikhri fapa Sheba kha an dawi.

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

2 SAMUEL 3:30

Cuticun Joab le a unau Abishai nih Abner kha an thah, zeicahtiah amah nih khan Gibeon i raltuknak hmun ah khan an unau Asahel kha a rak thah.

2 SAMUEL 4:6

Cun zohhmanh, innka a cawngtu cu changvut kha a thian i sihmanhsehlaw a ngu i aa hngilh ai; cucaah Rekhab le a unau Baanah cu a thli tein an lut.

2 SAMUEL 5:6

Cun siangpahrang le a mi hna cu Jebus mi doh awkah Jerusalem ah an kal; cu hna cu cuka ram i a ummi an si i David kha, “Hika ah hin na lut lai lo, mitcaw le kebei hmanh nih an in kham khawh lai,” tiah a rak titu kha an si. Annih nih, David cu hika ah a lut kho lai lo, tiah an ruah.