2 SAMUEL 2:1 - Lai (Hakha) Common Language Bible 2006

¹ Hi hnuah hin David nih Bawipa kha a hal i, “Judah ram chung khua pakhatkhat ah ka hung kal lai maw?” tiah a ti. Cun Bawipa nih amah cu, “Hung kal,” tiah a ti. David nih, “Khuazei ah khin dah ka hung kal hnga?” tiah a ti. Anih nih, “Hebron ah,” tiah a ti.

2 SAMUEL 2:1 ပူးပေါင်းရင်းမြစ်များ

GENESIS 13:18

Cucaah Abram nih a riahhmun cu a ṭhial i Hebron khua i Mamre thingzarh an umnak ah khan a va um, cuka ah cun Bawipa caah biakṭheng pakhat a va ser.

GENESIS 32:2

A hmuh hna tikah, “Hi hi pei Pathian ralkapbu a si hi,” a ti i cucaah cuka hmun cu a min ah Mahanaim a sak.

2 SAMUEL 15:7

Cun kum li donghnak ah khan Absalom nih siangpahrang cu a thawh i, “Hebron khua i Bawipa sinah biahrennak ka rak tuahmi kha va tlinter awkah, zaangfahnak tein ka kalter tuah.

2 SAMUEL 2:11

Cun Hebron khua i Judah hrin hna cung i David siangpahrang a si chung cu kum sarih le thla ruk a si.

2 SAMUEL 5:19

Cun David nih Bawipa kha a hal i, “Filistin mi hna doh awkah ka hung kal lai maw? Annih cu ka kut chungah na ka pe hna hnga maw?” tiah a ti. Cun Bawipa nih David cu, “Hung kal ko, zeitintiah Filistin mi cu na kut chungah kan pek hrimhrim hna lai,” tiah a ti.

2 SAMUEL 5:23

Cun David nih Bawipa kha a hal tikah, “Na hung kal hnga lo; an hnulei in na va hel hna lai i balsam thing zawn khan na nam hna lai.

1 SIANGPAHRANG 2:11

David nih Israel a uk chung cu kum sawm li a si; Hebron in kum sarih a uk i Jerusalem in kum sawm thum le kum thum a uk.

1 CHANRELNAK 29:7

Pathian inn ca rianṭuannak caah cun sui talen thong nga le darik thong hra, ngun talen thong hra, dar talen thong hleiriat, thir talen sing khat an pek.

2 CHANRELNAK 11:10

Zorah, Aijalon, le Hebron khua hna kha a ser hna, annih cu Judah le Benjamin ram chung i kulhnak a ngeimi khua an si.

SALM 143:8

Nangmah cu kan bochan ko; zinglei ah a fekmi na dawtnak kha ka hngalhter ṭhan ko. Ka thlacamnak cu nangmah sinah an kai, ka kalnak ding lam cu ka hmuhsak ko.

SALM 27:4

Bawipa cu thil pakhat ka hal, ka duhmi thil cu pakhat lawnglawng a si ko; cucu ka nun chung vialte Bawipa inn chung i um le a ṭhatnak kha khuaruahhar in zoh le amah kha lam ka hruai tuah tiin hal cu a si.

EZEKIEL 36:37

Mah hihi Bawipa Pathian bia an si: Israel mi cu hihi ka hal u, tiah ka ti rih hna lai: An pa hna cu tuu zat in ka tamter hna lai, laksawng thiang ah pekchanhmi tuu hna bantukin, puai caan i Jerusalem khua tuu hna bantuk ah ka ser hna lai.

NAMBAR 13:22

Negeb ah an hung lut i Hebron kha an phan i cuka ah cun Anak tefa hna Ahiman, Sheshai le Talmai kha an rak um. (Hebron cu Izipt ram i Zoan hlan kum sarih ah rak tlakmi a si.)

NAMBAR 27:21

Cun tlangbawi Eleazar hmaiah khan a dir lai i amah nih Bawipa hmaiah Urim in bia a halpiak lai; amah bia in an chuak lai i amah bia in an lut lai, amah le amah sinah a ummi Israel mi an dihlak in, mibu cu a ning piin,” tiah a ti.

JOSHUA 15:13

Bawipa nih Joshua nawl a pekmi bangin, Jefunneh fapa Kaleb cu Judah mi hna lakah vo pakhat, Kiriath-arba cu a pek, cucu Hebron a si (Arba cu Anak pa kha a si).

BIACEIHTU 1:1

Joshua a thih hnuah Israel mi nih Bawipa kha an hal i, “Kanaan mi hna kha doh awkah ahodah kan caah a hmasa bik ah a kal lai?” tiah an ti.

1 SAMUEL 10:22

Cucaah Bawipa kha an hal ṭhan i, “Mipa kha hika ah a ra maw?” an ti. Cun Bawipa nih, “Zohhmanh, thilri lakah aa thup ko,” tiah a ti.

1 SAMUEL 23:2

Cucaah David nih Bawipa cu a hal i, “Hi Filistin mi hna hi ka va kal in ka va tu hna lai maw?” tiah a ti. Cun Bawipa nih David cu, “Va kal law, Filistin mi kha va tu hna law, Keilah kha va khamh tuah,” tiah a ti.

1 SAMUEL 23:4

Cun David nih Bawipa cu a hal ṭhan. Cun Bawipa nih a leh i, “Tho law, Keilah ah cun vung kal ko; zeitintiah Filistin mi hna cu na kut chungah kan pek lai,” tiah a ti.

1 SAMUEL 30:31

Hebron i a ummi hna, David le a mi hna an rak i chawhvaihnak hmun vialte i a ummi hna caah khan a si.