2 SAMUEL 19:9 - Lai (Hakha) Common Language Bible 2006

⁹ Israel phun an dihlak chungah khan mi vialte, pakhat le pakhat i alnak a um i, “Siangpahrang nih khan kan ral hna kut chungin a rak kan chuah i, Filistin mi hna kut chungin a rak kan khamh; atu cu Absalom sinin ram chungin a zam cang.

2 SAMUEL 19:9 ပူးပေါင်းရင်းမြစ်များ

2 SAMUEL 15:14

Cun David nih Jerusalem ah a sin i a ummi vialte hna kha, “Tho u law, zam u si; Absalom sin hin kan caah luatnak um loin a um sual lai; khulrang in kal u, cu ti a si lo ahcun a kan phanh sual lai i kan cungah ṭhat lonak a tlunter sual lai i khuapi hi vainam in a sam dih sual lai,” tiah a ti.

2 SAMUEL 18:17

Cun Absalom kha an lak i tupi chung i khor nganpi pakhat ah an thlak i a cungah cun lungpumh nganpi pakhat an pumh; cun Israel mi vialte cu anmah le an inn cio ah khan an zam dih.

2 SAMUEL 19:10

Sihmanhsehlaw kanmah uktu ding i chiti kan thuhmi Absalom cu raltuknak hmun ah a thi cang. Cucaah zeicahdah siangpahrang kirpi ṭhannak ding kongah hin zeihmanh nan chim lo,” tiah an i ti.

2 SAMUEL 19:40

Siangpahrang cu Gilgal tiang a lan i Khimham cu amah sinah cun a kal; Judah mi vialte le Israel mi hnarcheu nih siangpahrang cu an kalpi.

2 SAMUEL 22:44

“Miphun hna he i siknak in na ka khamh, Miphun hna lu ah na ka chiah; Ka hngalh lomi hna nih khan ka rian an ṭuan.

2 SAMUEL 5:20

Cun David cu Baal-perazim ah a ra i khika ah annih cu a tei hna i amah nih, “Bawipa nih ka ral hna cu, tilian aa sah phut bantukin ka hmaiah a sah hna,” tiah a ti. Cucaah cu ka hmun cu a min ah Baal-perazim ti a si.

SALM 18:43

Ral thawh hmangmi miphun chungin na ka khamh i miphun hna uktu ah na ka ser: ka hngalh bal lomi kha ka kut tangah an um.

EXODUS 32:24

Kei nih ka thawh hna i, ‘Ahodah sui a ngei?’ ka ti hna i sui hlawn a ngeimi nih khan an hlawn cu an i phuah i an ka pek i kei nih mei chungah ka paih hna i hi cawfa hi a hung chuak ko,” tiah a leh.

1 SAMUEL 17:50

Cuticun David nih Filistin mipa kha, lungherhchehnak le lung pakhat in a tei i, Filistin mipa kha a khen i a thah; David nih nam aa ken lo.

1 SAMUEL 18:25

Khi tikah Saul nih, “Hi bangin David sinah cun, ‘Siangpahrang nih, siangpahrang ral hna cungah khan phu a hlam nakhnga, Filistin mi hna cuarpar za khat dah ti lo cu man zei hmanh a duh lo,’ tiah nan chim lai,” tiah a ti. Saul nih David cu Filistin mi hna kut in thihter awk kha a ruah.

1 SAMUEL 19:5

thih le thih tiin Filistin mipa kha a tuk i Israel mi vialte caah Bawipa nih teinak nganpi a tuah. Na rak hmuh i na rak i lawm; cucaah cun, zeicahdah, zeiruanglo i David thahnak thawngin zeihmanh a sual lomi thisen cungah sualnak na tuah kun lai?” tiah a ti.