2 SAMUEL 19:8 - Lai (Hakha) Common Language Bible 2006

⁸ Khi tikah siangpahrang cu a tho i kutka ah khan a ṭhu. Cun mi vialte kha an chimh hna i, “Zohhmanh, siangpahrang cu kutka ah khan a ṭhu,” tiah an ti; mi vialte cu siangpahrang hmaiah khan an ra. Israel mi vialte kha cu, anmah le an inn cio ah an zam dih cang.

2 SAMUEL 19:8 ပူးပေါင်းရင်းမြစ်များ

2 SAMUEL 15:2

Cun Absalom cu zing tein a tho tawn i hauka lam pawngah a dir tawn; cun siangpahrang hmai i chuahpi awk bia a ngeimi paoh cu Absalom nih a rak auh hna i, “Khuazei khuami dah na si?” tiah a rak ti hna. Cun annih nih, “Na sal hi Israel mi lak i cu phun kha phun cu ka si,” tiah a leh tikah,

2 SAMUEL 18:17

Cun Absalom kha an lak i tupi chung i khor nganpi pakhat ah an thlak i a cungah cun lungpumh nganpi pakhat an pumh; cun Israel mi vialte cu anmah le an inn cio ah khan an zam dih.

2 SAMUEL 18:24

Cun David cu chunglei kutka le lenglei kutka hna karlak ah khan a ṭhu i vampang pawng i a ummi kutka inncung ah khan ralvengtu kha a hung kai i khua a hei cuanh i a hei zoh tikah, mipa pakhat amah lawng in a ra tlik kha a hmuh.

2 SAMUEL 18:4

Siangpahrang nih annih cu a thawh hna i, “Nannih nih a ṭha bik nan timi paoh cu ka tuah lai,” tiah a ti. Cucaah siangpahrang cu hauka kamah khan a dir i ralkapbu hna cu a zaza le a thongthong in an lan duahmah.

2 SAMUEL 19:3

Cun raltuknak hmun in an zam tikah an ning a zak i a thli tein khua chungah an luh bantuk khin, cu ni ah cun mizapi cu a thli tein khua chungah cun an lut.

1 SIANGPAHRANG 22:36

Cun ni a tlak hnik lioah khin, ralkapbu chungah cun, “Nanmah le nan khua cio, nanmah le nan ram cio ah tlung dih u luao,” tiin au thawng pakhat a hung um.

2 SIANGPAHRANG 14:12

Cun Judah cu Israel nih a tei i an inn cio ah an zam dih.

2 SIANGPAHRANG 8:21

Khi tikah Joram cu Zair ah a rangleng vialte he an kal, zan ah a tho i amah a kulhtu Edom mi vialte kha amah le a rangleng haotu bawi hna nih cun an tuk hna; sihmanhsehlaw a ralkap cu inn ah an zam.

1 SAMUEL 4:10

Cucaah Filistin mi nih cun an tuk hna i Israel mi cu an sung, anmah le an inn cio ah khan an zam dih; i thahnak fakpi a um, Israel mi ke ralkap sang thum an thi.