2 SAMUEL 19:41 - Lai (Hakha) Common Language Bible 2006

⁴¹ Cun Israel mi vialte cu siangpahrang sinah khan an ra i siangpahrang cu an thawh i, “Zeicahdah kan unau Judah mi hna nih a fir in an in fir i siangpahrang le a innchungkhar hna le David mi vialte hna cu Jordan va ral ah an in chuahpi hna?” tiah an ti.

2 SAMUEL 19:41 ပူးပေါင်းရင်းမြစ်များ

2 SAMUEL 19:11

Cun David Siangpahrang nih Zadok le Abiathar, tlangbawi hna kha, mah hi bia hi a hei cah hna i, “Judah upa hna cu, ‘Israel mi vialte an bia cu siangpahrang sin a phak cang tikah hin, zeicahdah nannih cu siangpahrang kha a inn i kirpi ṭhan awkah a hmanung bik nan si lai?” a ti tiah rak chim hna u.

2 SAMUEL 19:12

Nannih cu ka unau nan si, ka ruh le ka sa nan si; a si kun ahcun, zeicahdah siangpahrang kirpi ṭhan awkah a hmanung bik nan si lai,’ a ti, tiah rak chim hna u.

2 SAMUEL 19:3

Cun raltuknak hmun in an zam tikah an ning a zak i a thli tein khua chungah an luh bantuk khin, cu ni ah cun mizapi cu a thli tein khua chungah cun an lut.

BIACEIHTU 12:1

Efraim mi hna cu, hriamnam i lak u, tiah ti an si i Zafon ah an va kal i Jepthah sinah cun, “Zeicahdah Ammon mi hna doh awkah tiva kha na tan i kannih kha nangmah sin i kal awkah na kan auh lo? Na inn ah kan in duah chih lai,” tiah an ti.

BIACEIHTU 8:1

Cun Efraim mi nih amah cu, “Kan cung i na tuahmi hi zeidah a si, zeicahdah Midian doh awkah na kal tikah na kan kawh ve lo?” tiah an ti. Cun fak piin an sik.