2 SAMUEL 19:4 - Lai (Hakha) Common Language Bible 2006

⁴ Siangpahrang cu a hmai aa khuh i siangpahrang cu aw thang piin, “Maw ka fapa Absalom, maw Absalom, ka fapa, ka fapa!” tiah a ai.

2 SAMUEL 19:4 ပူးပေါင်းရင်းမြစ်များ

2 SAMUEL 14:1

Zeruiah fapa Joab nih khan siangpahrang lungthin cu Absalom sinah khan a kal ti kha a hngalh.

2 SAMUEL 15:30

Sihmanhsehlaw David cu Oliv Tlang cho ah khan ṭappah lengmang le kelawng le a lu i khuh in a kai; cun a sin i a ummi vialte nih khan an lu an i khuh i an kai, an kalpah cun an ṭap lengmang.

2 SAMUEL 18:33

Cun siangpahrang cu a lung a suk i kutka cung dal ah khan a hung kal i a ṭap; cun a kal pah cun, “Maw ka fapa Absalom, ka fapa, ka fapa Absalom! Nangmah can ah khan keimah hi va thi deuh ning law mu, maw Absalom ka fapa, ka fapa,” tiah a ti.

2 SAMUEL 19:3

Cun raltuknak hmun in an zam tikah an ning a zak i a thli tein khua chungah an luh bantuk khin, cu ni ah cun mizapi cu a thli tein khua chungah cun an lut.

2 SAMUEL 19:5

Khi tikah Joab cu inn chungah siangpahrang sinah khan a lut i, “Nihin ah hin nangmah nih, nihin i nangmah na nunnak le na fapa hna le an fanu hna an nunnak le na nupi hna le na nuchun hna an nunnak a khamhtu hna na sinum vialte hna hmai cu ningzahnak in na khuh cang;