2 SAMUEL 19:37 - Lai (Hakha) Common Language Bible 2006

³⁷ Keimah ka khuate ah ka pa le ka nu hna thlan pawngah ka thih nakhnga, na sal hi ka kirter ko. Sihmanhsehlaw hika ah na sal Khimham a um hih; amah nih hin siangpahrang ka bawipa cu in zul seh law, nangmah nih a ṭha na timi paoh tuahpiak ko,” tiah a ti.

2 SAMUEL 19:37 ပူးပေါင်းရင်းမြစ်များ

GENESIS 47:30

Ka pu le ka pa an vui hnanak hmun ah khan vui ka duh ve. Cucaah Izipt ram in ka chuahpi law an thlan ah khan ka vui,” tiah a ti. Josef nih cun, “Na chim bangin ka tuah lai,” tiah a leh.

GENESIS 48:21

Cun Israel nih Josef cu, “Ka thi dengmang cang ti cu na hngalh. Asinain Pathian nih an umpi lai i na pupa hna ram ah khan an kirpi ṭhan lai.

GENESIS 50:13

Kanaan ram ah khan an kalpi i Abraham nih Hit mipa Efron sinin vuinak hmun caah a cawkmi vawlei Mamre in nichuahlei i a ummi Makpelah lo chung lungkua ah khan an vui.

2 SAMUEL 19:36

Na sal nih hin siangpahrang cu Jordan tiva ral ah khin tlawm tein ka hei in kalpi rih lai. Zeicahdah siangpahrang nih cu bantuk laksawng cun a ka lehrulh hnga?

2 SAMUEL 19:38

Cun siangpahrang nih a leh i, “Khimham cu keimah sinah a kal lai i nangmah nih a ṭha na timi paoh ka tuahpiak lai; cun keimah sinin hmuh na duhmi vialte kan tuahpiak lai,” tiah a ti.

2 SAMUEL 19:40

Siangpahrang cu Gilgal tiang a lan i Khimham cu amah sinah cun a kal; Judah mi vialte le Israel mi hnarcheu nih siangpahrang cu an kalpi.

1 SIANGPAHRANG 13:22

sihmanhsehlaw na ra kir i, “Rawl ei hlah, ti ding hlah,” tiah a tinak hmun ah khan rawl na ei i ti na din caah, na pum cu na pupa hna thlan ah a phan lai lo,’ a ti,” tiah a au.

1 SIANGPAHRANG 2:7

Sihmanhsehlaw Gilead mi Barzillai fapa hna kha cu zumhawktlak tein na ti hna lai i na cabuai i rawl a eimi lakah na umter hna lai; zeitintiah na unau Absalom sinin ka rak zam lioah khan annih nih cu bantuk zumhawktlak sinak he an rak ka don.

1 SIANGPAHRANG 4:5

Nathan fapa Azariah kha peng uktu bawi hna cung bawi a si; Nathan fapa Zabud cu tlangbawi le siangpahrang kawi a si;

JEREMIAH 41:17

Ishmael nih khan Babilon siangpahrang nih ram uktu ah a chiahmi Gedaliah kha a thah caah Babilon mi cu an ṭih ngaingai hna. Cucaah Babilon mi hna sinin zam awkah Izipt ram kal an i thawh. Lampi ah Bethlehem pawng Geruth Kimham ah khan an riak.

2TIMOTE 4:6

Kei tu cu raithawinak biakṭheng cung i an ka chiah caan a phan cang; hi vawlei cung nunnak hi ka chuahtak lai caan a phan cang.

JOSHUA 23:14

“Cun, atu cu vawleicung vialte phung bangin ka kal ve cang lai. Nannih nih nan dihlak in, Bawipa nan Pathian nih nanmah kongah biakamnak a tuahmi thilṭha vialte lakah pakhat hmanh pakpalawng a can lo kha nan lungthin le nan ruahnak in nan hngalh; nannih caah a dihlak in a tling dih, pakhat hmanh a bau lo.

2 PETER 1:14

Kan Bawipa Jesuh Khrih nih fiang tein a kan chimh bantukin, hi a thi khomi pum hi cu, tuan ah kaa phoih ko lai.