2 SAMUEL 19:36 - Lai (Hakha) Common Language Bible 2006

³⁶ Na sal nih hin siangpahrang cu Jordan tiva ral ah khin tlawm tein ka hei in kalpi rih lai. Zeicahdah siangpahrang nih cu bantuk laksawng cun a ka lehrulh hnga?

2 SAMUEL 19:36 ပူးပေါင်းရင်းမြစ်များ

2 SAMUEL 19:35

Keimah cu nihin ah hin kum sawm riat ka si; zei hi dah a nuam i zei hi dah a nuam lo ti kha ka thleidan khawh ti maw? Na sal nih hin ka eimi siseh, ka dinmi siseh, a thawtnam hmanh ka theih khawh ti maw? Hlasami pa hna le hlasami nu hna an aw hoi hna kha ka ngaih khawh ti maw? Cu a si caah cun zeicahdah na sal cu siangpahrang ka bawipa caah aa chapmi thilrit ka si lai?

2 SAMUEL 19:37

Keimah ka khuate ah ka pa le ka nu hna thlan pawngah ka thih nakhnga, na sal hi ka kirter ko. Sihmanhsehlaw hika ah na sal Khimham a um hih; amah nih hin siangpahrang ka bawipa cu in zul seh law, nangmah nih a ṭha na timi paoh tuahpiak ko,” tiah a ti.

SALM 90:10

Kan chan cu kum sawm sarih a si ko, kan thazang a ṭhawn deuh le sawm riat a si; cu hmanh ah retheihnak le harnak lawng kha kan ing, kan nunnak cu a dih zau i kan lo.

PHUNGCHIMTU 12:1

Cucaah nan tlanval lioah nanmah an sertu kha philh hlah u, ni ṭhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

LUKA 6:38

Midang kha thil va ṭhen hna u, nannih zong Pathian nih an ṭhenh ve hna lai: liam thluahmah in, nan i chap khawh chungin, nan zawi khawh le khawh loin nan kut chungah an thlet hna lai. Midang ca i nan hmanmi tahnak rel kha Pathian nih nanmah ca zongah a hman ve lai,” tiah a ti.