2 SAMUEL 19:24 - Lai (Hakha) Common Language Bible 2006

²⁴ Cun Saul tupa Mefibosheth kha siangpahrang don awkah a rung; siangpahrang a kal ni thawk in him tein a kir ṭhan ni tiang, a ke zong kha a milhtlorh hna lo, a khahmul zong kha a riam hna lo i a hnipuan zong kha a su hna lo.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

Khi tikah David cu vawlei khan a tho i aa kholh i sathau aa thuh i a hnipuan aa thleng i Bawipa inn chungah a lut i Pathian kha a biak; cun amah inn ah khan a kal i a hal hna tikah rawl an hunh i a ei.

2 SAMUEL 15:30

Sihmanhsehlaw David cu Oliv Tlang cho ah khan ṭappah lengmang le kelawng le a lu i khuh in a kai; cun a sin i a ummi vialte nih khan an lu an i khuh i an kai, an kalpah cun an ṭap lengmang.

2 SAMUEL 16:3

Cun siangpahrang nih cun a thawh i, “Na bawipa fapa kha tah khuazei ah dah a si?” tiah a ti. Ziba nih siangpahrang sinah cun, “Zohhmanh, Jerusalem ah a um ko, zeicahtiah, “Nihin ah hin Israel chung hna nih ka pa pennak kha an ka pek ṭhan lai,’ a ti,” tiah a ti.

2 SAMUEL 9:11

Cun Ziba nih siangpahrang cu, “Siangpahrang ka bawipa nih a salpa a ka fial ningin, cu bantukin na salpa nih ka tuah dih lai,” tiah a ti. Cucaah Mefibosheth cu, siangpahrang fapa pakhat ve bantukin David cabuai ah khan rawl a ei.

1 SIANGPAHRANG 2:8

Cun na sinah Benjamin mi Bahurim khuami Gera fapa Shimei zong kha a um, Mahanaim i ka hung kal ni ah khan amah nih a fakmi chiat a ka serh; sihmanhsehlaw keimah ton awkah Jordan i a run tikah, a sinah Bawipa min chalh in chiat ka ser i, ‘Vainam in kan that lai lo,’ tiah ka ti.

EXODUS 19:10

Bawipa nih Moses cu, “Mi zapi sinah khin va kal law nihin le thaizing biaknak ding caah va timhlamhter hna. An thil kha su hna seh law

ISAIAH 15:2

Dibon khuami hna cu hmunthiang i va ṭah awkah tlang ah khan an kai. Moab mi hna nih cun Nebo khua le Medeba khua kha an ṭah hna; an ngaihchiat in an lu an i kongh i an khahmul an i ziah.

JEREMIAH 41:5

Shekhem le Shiloh le Samaria in pa sawm riat an ra. An khahmul kha an i meh i an puan kha an thleh hna i an pum cu an i at, annih nih Bawipa biakinn i pekchanh awkah changvut thawinak le zihmui kha an rak i put.

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

ROM 12:15

Aa lawmmi sinah vaa lawm ve u, a ṭapmi sinah va ṭap ve u.

HEBRU 13:3

Thong a tlami kha, an sin i thong a tla vemi bantukin philh hna hlah u. Hremnak a ingmi kha, an sin i hremnak a ing vemi bantukin philh hna hlah u.