2 SAMUEL 19:22 - Lai (Hakha) Common Language Bible 2006

²² Sihmanhsehlaw David nih, “Nannih Zeruiah fapa hna, nannih nan i thlak awk zeidah a um, nihin i keimah caah ral bantuk nan si hnga cu? Nihin ah hin Israel mi ahohmanh thah awk a si hnga maw? Zeitintiah nihin ah hin Israel mi cungah siangpahrang ka si kha hngal loin maw ka um?” tiah a ti.

2 SAMUEL 19:22 ပူးပေါင်းရင်းမြစ်များ

2 SAMUEL 16:10

Sihmanhsehlaw siangpahrang nih cun a thawh i, “Nannih Zeruiah fapa hna, nannih nan i thlaknak zeidah a um? Bawipa nih amah cu, ‘David kha chiat va serh,’ tiah a ti i chiat a ka serh a si ahcun, ‘Zeicahdah mah cuticun na ti?’ tiah aho nih dah a ti khawh lai?” tiah a ti.

2 SAMUEL 16:5

David Siangpahrang cu Bahurim ah a phak tikah, Saul chung a simi innchungkhar chungin mipa pakhat a ra chuak i a min cu Shimei a si, amah cu Gera fapa a si; a chuah pah cun chiat a serh lengmang.

2 SAMUEL 16:9

Khi tikah Zeruiah fapa Abishai nih siangpahrang sinah cun, “Zeicahdah hi uico thi cia nih hin siangpahrang ka bawipa cu chiat a serh len ko hnga? Va kal ning law a lu khi va chok tuah ning,” tiah a ti.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

MATTHAI 8:29

Hmakhatte ah khin an ai i, “Pathian Fapa, zeidah na kan duhnak a um? A caan a tlin hlanah kannih dantat awkah na ra maw?” tiah an ti.

1 SAMUEL 11:13

Sihmanhsehlaw Saul nih, “Nihin ah cun ahohmanh thah a si lai lo, zeicahtiah nihin ah hin Bawipa nih Israel mi lakah luatnak a ser,” tiah a ti.

1 SAMUEL 26:11

Bawipa chiti thuhmi cung i ka kut samh awk cu Bawipa nih ka kham ko seh; sihmanhsehlaw a lu hram i a ummi fei kha le hranthawl kha la law kal u sih,” tiah a ti.

1 SAMUEL 26:8

Khi tikah Abishai nih David cu, “Pathian nih nihin ah hin na ral cu na kut chungah an pek ko; cucaah fei in voi khat chunhte ah amah hi vawlei ah bunh chih ko ning, voi hnih ka chun lai lo,” tiah a ti.

1 SAMUEL 26:9

Sihmanhsehlaw David nih Abishai cu, “Amah kha hrawk hlah; zeitintiah ahodah Bawipa chiti thuhmi cungah a kut a samh i mawh lo in a um kho lai?” tiah a ti.