2 SAMUEL 19:20 - Lai (Hakha) Common Language Bible 2006

²⁰ zeitintiah ka sual cang ti kha na sal nih ka hngalh; cucaah zohhmanh, Josef innchungkhar vialte hna lakah a hmasa bik ah rat i siangpahrang ka bawipa cu don awkah nihin ah ka ra,” tiah a ti.

2 SAMUEL 19:20 ပူးပေါင်းရင်းမြစ်များ

GENESIS 48:14

Sihmanhsehlaw Israel nih khan a kut cu a rak kalhkeh hna i a orhlei kut cu ngakchia deuh a simi Efraim lu cungah khan a chiah i a kehlei kut cu upa deuh a simi Manasseh lu cungah khan a chiah.

GENESIS 48:20

Cucaah cu ni ah cun thluachuah cu a pek hna i, “Israel mi hna nih thluachuah an i pek tikah, nan min kha an hman hna lai i, ‘Pathian nih Efraim le Manasseh bantuk, in siter hna seh,’ an i ti lai,” a ti. Cuticun Jakob nih Efraim cu Manasseh hmaiah a chiah.

2 SAMUEL 16:5

David Siangpahrang cu Bahurim ah a phak tikah, Saul chung a simi innchungkhar chungin mipa pakhat a ra chuak i a min cu Shimei a si, amah cu Gera fapa a si; a chuah pah cun chiat a serh lengmang.

2 SAMUEL 19:21

Zeruiah fapa Abishai nih khan, “Bawipa chiti thuhmi kha chiat a rak serh caah, mah caah khan Shimei hi thah awk a si lo maw?” tiah a leh.

2 SAMUEL 19:9

Israel phun an dihlak chungah khan mi vialte, pakhat le pakhat i alnak a um i, “Siangpahrang nih khan kan ral hna kut chungin a rak kan chuah i, Filistin mi hna kut chungin a rak kan khamh; atu cu Absalom sinin ram chungin a zam cang.

1 SIANGPAHRANG 12:20

Cun Israel mi vialte nih Jeroboam kha a kir ṭhan cang, tiah an theih tikah, an i pumhnak ah khan an hei cah i an kawh i Israel mi vialte cung siangpahrang ah an ser. Judah phun lawnglawng dah ti lo cu, David innchungkhar a zulmi cu ahohmanh an um lo.

1 SIANGPAHRANG 12:25

Cun Jeroboam nih Efraim tlangram ah Shekhem kha a sak i khika ah a um; cun khika in a chuak i Penuel kha a sak.

JEREMIAH 22:23

Maw Lebanon i a ummi hna, Sidar thing lak i bu a sami hna, Nau nganfahnak bantuk nganfahnak nan cung i a phak tikah, Zeitluk in dik nan hei i lawngh len te lai!

HOSEA 5:15

Ka mi hna cu an sualnak ruangah sifah an in i keimah kha an ka kawl hlantiang cuticun ka kaltak ko hna lai. Sifahnak an in ruangah keimah kha an hei ka kawl phum hmanh hnga maw,” tiah a ti.

HOSEA 5:3

Israel cu zei bantuk mi dah a si ti kha ka hngalh ko, ka sinin aa thup kho lai lo. Amah cu ka sinah zumhawktlak loin khua a sa i mi hna kha thurhhnawmh an si cang.