2 SAMUEL 19:13 - Lai (Hakha) Common Language Bible 2006

¹³ Cun Amasa kha, ‘Nangmah cu ka ruh le ka sa na si lo maw? Nangmah cu Joab hmun ah ka ralkapbu haotu na si lo ahcun, Pathian nih cu bangin le cu nak tam zongin ka cungah tuah ko seh,’ a ti, tiah rak chim u,” tiah a ti.

2 SAMUEL 19:13 ပူးပေါင်းရင်းမြစ်များ

GENESIS 29:14

Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.

2 SAMUEL 17:25

Cun Absalom nih Joab hmun ah khan Amasa kha ralkapbu haotu ah a chiah. Amasa cu Ishmael mi a min Ithra a simi fapa a si; Ithra nih cun Abigail kha a ṭhit; Abigail cu Joab nu Zeruiah i a unau Nahash fanu kha a si.

2 SAMUEL 18:11

Cun Joab nih a chimtupa cu, “Zei ee, na hmuh tak maw! A si kun ahcun zeicahdah vawlei ah tla lakin khika ah cun na tuk lo? Ngun phar hra le taisawm pakhat ka hei in pek hnga dah kaw,” tiah a ti.

2 SAMUEL 20:4

Cun siangpahrang nih Amasa kha a thawh i, “Ni thum chungah Judah mi kha ka sinah hmun khat ah ko hna law, nangmah zong um ve,” tiah a ti.

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

2 SAMUEL 5:1

Cun Israel phun vialte kha David sinah Hebron ah an ra i, “Zohhmanh, kannih cu na ruh le na sa kan si,

2 SAMUEL 8:16

Cun Zeruiah fapa Joab cu ralkapbu haotu bik a si i Ahilud fapa Jehoshafat cu cazin ṭialtu a si;

1 SIANGPAHRANG 19:2

Cun Jezebel nih Elijah sinah cun lamkal pakhat a hei thlah i, “Na nunnak cu annih lak i pakhat nunnak bantuk ah khan thaizing atu tik caan i ka ser lo ahcun, cu bantukin le cu nak tam deuh zongin pathian hna nih cun ka cungah tuah ko hna seh,” tiah a ti.

1 CHANRELNAK 12:18

Khi tikah sawm thum hna lak i haotu bik Amasai cungah khan Thlarau a tlung i amah nih cun hi bangin a ti: “Kannih cu nangmah ta kan si, maw David; Maw Jesse fapa, nangmah sin tel kan si; Daihnak, daihnak cu na sinah um ko seh, Daihnak cu nangmah an bawmtu hna cungah um ko seh! Zeitintiah na Pathian nih an bawmh.” Khi tikah David nih tlun inn a onh hna i a ralkap hna haotu bawi ah khan a ser hna.

RUTH 1:17

na thihnak ah ka thi ve lai i khika ah cun an ka vui ve ko lai. Pathian nih cu bantukin ka cungah tuah seh law, tam deuh zongin tuah ko seh, thihnak hmanh nih nangmah sinin ka ṭhen ai kun,” tiah a ti.