2 SAMUEL 19:12 - Lai (Hakha) Common Language Bible 2006

¹² Nannih cu ka unau nan si, ka ruh le ka sa nan si; a si kun ahcun, zeicahdah siangpahrang kirpi ṭhan awkah a hmanung bik nan si lai,’ a ti, tiah rak chim hna u.

2 SAMUEL 19:12 ပူးပေါင်းရင်းမြစ်များ

GENESIS 2:23

Cun mipa nih cun aa thawh i, “Atu hi pei keimah phun taktak a simi cu a si hi; Ka ruh i lakmi ruh, ka sa in lakmi sa. A min ah “Nu” si seh, zeicahtiah amah cu mipa chungin lakmi a si,” a ti.

GENESIS 29:14

Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.

2 SAMUEL 19:41

Cun Israel mi vialte cu siangpahrang sinah khan an ra i siangpahrang cu an thawh i, “Zeicahdah kan unau Judah mi hna nih a fir in an in fir i siangpahrang le a innchungkhar hna le David mi vialte hna cu Jordan va ral ah an in chuahpi hna?” tiah an ti.

2 SAMUEL 19:42

Judah mi vialte nih Israel mi cu an leh hna i, “Zeicah ti ahcun, siangpahrang cu aa naihmi kan rualchan a si caah a si. Zeicahdah nannih cu hi kong ah nan thin a hun? Siangpahrang nih maw rawl a kan rin? Asiloah, laksawng zeital a kan pe maw?” tiah an ti.

2 SAMUEL 5:1

Cun Israel phun vialte kha David sinah Hebron ah an ra i, “Zohhmanh, kannih cu na ruh le na sa kan si,

2 SAMUEL 8:17

cun Ahilud fapa Zadok le Abiathar fapa Ahimelek cu tlangbawi an si i Seraiah cu caṭialtu a si;

ROM 11:14

Ka phun hawimi kha an nahchuahter kaa zuam i cuticun tlawmpal tal ka khamh kho phum hna hnga maw ka ti.

EFESA 5:30

kannih cu a pum nge cu kan si).

BIACEIHTU 9:2

“Shekhem khua chung i a ummi vialte cu, ‘Nannih caah zeidah a ṭha deuh, Jerubbaal fapa sawm sarih nih an dihlak in an in uk hna ah maw, pakhat lawng nih an uk hna ah dah?’ tiin an hna chungah va chim tuah u. Cun keimah cu nan ruh le nan sa ka si kha va philh fawn hlah u,” tiah a ti hna.