2 SAMUEL 19:11 - Lai (Hakha) Common Language Bible 2006

¹¹ Cun David Siangpahrang nih Zadok le Abiathar, tlangbawi hna kha, mah hi bia hi a hei cah hna i, “Judah upa hna cu, ‘Israel mi vialte an bia cu siangpahrang sin a phak cang tikah hin, zeicahdah nannih cu siangpahrang kha a inn i kirpi ṭhan awkah a hmanung bik nan si lai?” a ti tiah rak chim hna u.

2 SAMUEL 19:11 ပူးပေါင်းရင်းမြစ်များ

2 SAMUEL 15:29

Cucaah Zadok le Abiathar nih Pathian kuang kha Jerusalem ah an hei kalpi ṭhan i khika ah khan an um.

2 SAMUEL 18:14

Joab nih, “Nangmah he hi bantukin caan cu pakpalawng ah ka hmang lai lo,” tiah a ti. Cun a kut in cantiang pathum aa put i kuhthing kung i a nung in a rak um komi Absalom lung ah khan a hei hlinh hna.

2 SAMUEL 18:15

Cun Joab ralthuam putu tlangval pahra nih khan Absalom cu an kulh i an tuk i an thah.

2 SAMUEL 19:10

Sihmanhsehlaw kanmah uktu ding i chiti kan thuhmi Absalom cu raltuknak hmun ah a thi cang. Cucaah zeicahdah siangpahrang kirpi ṭhannak ding kongah hin zeihmanh nan chim lo,” tiah an i ti.

2 SAMUEL 19:41

Cun Israel mi vialte cu siangpahrang sinah khan an ra i siangpahrang cu an thawh i, “Zeicahdah kan unau Judah mi hna nih a fir in an in fir i siangpahrang le a innchungkhar hna le David mi vialte hna cu Jordan va ral ah an in chuahpi hna?” tiah an ti.

1 SIANGPAHRANG 2:35

Siangpahrang nih Jehoiada fapa Benaiah cu Joab hmun ah khan ralkapbu cungah a chiah i siangpahrang nih tlangbawi Zadok cu Abiathar hmun ah khan a chiah.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

2 KORIN 5:20

Cucaah Khrih lamkaltu bantukin kannih cu kan ra. Kannih nih kan in nawl hna hi Pathian nih an nawl hna bantuk a si: Pathian he i rem ko u, tiah Khrih min in kan in nawl hna.

2 THESALON 3:9

Mah ti kan tuah kha, nan kan cawm ve awk a si tinak nawl kan ngeih lo caah a si lo, nanmah zohchun dingah kan tuahmi a si.